കോട്ടയം: അതിരമ്പുഴ സെന്റ് മേരീസ് ഫൊറോനാ പളളിയില് വിശുദ്ധ സെബാസ്ത്യാനോസിന്റെ തിരുനാളിന് ഇന്ന് രാവിലെ 7ന് വികാരി ഫാ. സിറിയക് കോട്ടയില് കൊടിയേറ്റും. 24, 25 തിയതികളിലാണു പ്രധാനതിരുനാള് ആഘോഷങ്ങള്.
ഇന്ന് രാവിലെ കൊടിയേറ്റിനുശേഷം എട്ടിനും 11നും കുര്ബാന. വൈകുന്നേരം 4.30ന് പ്രസുദേന്തി വാഴ്ചാ പ്രദക്ഷിണം.തുടര്ന്ന് വേദഗിരി കോട്ടയം ടെക്സ്റ്റൈല്സില്നിന്നുളള കഴുന്നു പ്രദക്ഷിണം.
വിശുദ്ധ സെബാസ്ത്യാനോസിന്റെ തിരുസ്വരൂപം 20ന് രാവിലെ 7.30ന് അള്ത്താരയില്നിന്നും പരസ്യവണക്കത്തിനായി പുറത്തെടുത്ത് രൂപക്കൂട്ടില് പ്രതിഷ്ഠിക്കും. തുടര്ന്നു തിരുസ്വരൂപവുമായി ചെറിയപളളിയിലേക്കു പ്രദക്ഷിണം. തിരുസ്വരൂപം ചെറിയപളളിയില് പ്രതിഷ്ഠിക്കും.
20 മുതല് 23 വരെ ദേശക്കഴുന്ന് നടക്കും. 20നു പടിഞ്ഞാറ്റുംഭാഗത്തിന്റെയും 21നു തെക്കുംഭാഗത്തിന്റെയും 22നു കിഴക്കുംഭാഗത്തിന്റെയും 23നു വടക്കുംഭാഗത്തിന്റെയും ദേശക്കഴുന്നുകള്. ദേശക്കഴുന്നുകള് ചെറിയപളളിയില് സമാപിച്ചശേഷം രാത്രി എട്ടിനു പളളി മൈതാനത്തെ വേദിയില് കലാപരിപാടികള് അരങ്ങേറും. 20ന് നാടകം, 21ന് ആകാശവിസ്മയം. 22ന് ഗാനസന്ധ്യ, 23ന് പത്തനംതിട്ട സാരംഗ് സര്ഗോത്സവ് 2017 മെഗാഷോ.24ന് വൈകിട്ട് 3.30ന് സമൂഹബലി. 5ന് നഗരപ്രദക്ഷിണം 8.30ന് വെടിക്കെട്ട്. 25ന് രാവിലെ 10ന് റാസ. വൈകിട്ട് 4.30ന് തിരുനാള് പ്രദക്ഷിണം. ഫെബ്രുവരി 1ന് എട്ടാമിടം ആചരണത്തോടെ തിരുനാള് സമാപിക്കും. അന്ന് വൈകിട്ട് 6.30നു തിരുനാള് സമാപനപ്രദക്ഷിണം. മധ്യകേരളത്തിന്റെ വിവിധ കേന്ദ്രങ്ങളില്നിന്ന് അതിരമ്പഴയിലേക്ക് 24നും 25നും കെഎസ്ആര് ടിസി സ്പെഷല് ബസ് സര്വീസുകള് നടത്തും.
പത്രസമ്മേളനത്തില് പള്ളി വികാരി ഫാ. സിറിയക് കോട്ടയില്, ഫാ. സെബാസ്റ്റ്യന് മഞ്ചേരിക്കളം, ടോമി സെബാസ്റ്റ്യന് ചക്കാലയ്ക്കല്, ജോണി പണ്ടാരക്കളം രാജു കുടിലില് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: