തളിപ്പറമ്പ്: തളിപ്പറമ്പില് ആര്എസ്എസ് കാര്യാലയം സിപിഎം സംഘം ബോംബെറിഞ്ഞ് തകര്ത്തു. ആര്എസ്എസ് തളിപ്പറമ്പ് താലൂക്ക് കാര്യാലയമായ വിവേകാനന്ദമന്ദിരമാണ് ബോംബെറിഞ്ഞ് തകര്ത്തത്. കഴിഞ്ഞ ദിവസം പുലര്ച്ചെയാണ് അക്രമം നടന്നത്. ശക്തിയേറിയ രണ്ട് ബോബുകളാണ് എറിഞ്ഞത്. ഉഗ്രസ്ഫോടനത്തില് കാര്യാലയം പൂര്ണ്ണമായും തകര്ന്നു. കാര്യാലയത്തിന്റെ ജനലുകളും വാതിലുകളും ഇളകിത്തെറിച്ച നിലയിലാണ്. സ്ഫോടനത്തില് സമീപത്തുള്ള നിരവധി കെട്ടിടങ്ങള്ക്ക് കേടുപാട് സംഭവിച്ചു. അക്രമം നടക്കുന്ന സമയത്ത് കാര്യാലയത്തിനകത്ത് ആളുകളുണ്ടായിരുന്നെങ്കിലും ആര്ക്കും പരിക്കില്ല. ഇന്നോവ കാറിലെത്തിയ സംഘമാണ് അക്രമം നടത്തിയത്. തളിപ്പറമ്പ പോലീസ് സ്ഥലത്തെത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: