പിലാത്തറ: പീരക്കാംതടം ദേശീയ പാതയില് നിന്നും പഴയങ്ങാടി ഭാഗത്തേക്കുള്ള കെഎസ്ടിപി റോഡരികില് മാലിന്യങ്ങള് നിക്ഷേപിക്കുന്നത് വ്യാപകമാകുന്നു. പ്ലാസ്റ്റിക് മാലിന്യങ്ങളും ഹോട്ടല് അവശിഷ്ടങ്ങളുമാണ് ഇവിടെ തള്ളുന്നത്.
പീരക്കാംതടം ജംഗ്ഷനും ചുമടുതാങ്ങിക്കുമിടയിലെ ആളൊഴിഞ്ഞ സ്ഥലങ്ങളിലാണ് മാലിന്യ നിക്ഷേപം കൂടുതലായി നടക്കുന്നത്. ടൗണില് നിന്ന് രാതി കാലങ്ങളില് വാഹനത്തില് മടങ്ങുമ്പോള് പ്ലാസ്റ്റിക് സഞ്ചികളിലാക്കി അവശിഷ്ടങ്ങള് ഇവിടെ തള്ളുകയാണ്.
മാംസാവശിഷ്ടങ്ങള് ഇവിടെ നിന്ന് തെരുവ് നായകളും കാക്കകളും കൊത്തിവലിച്ച് റോഡിലും സമീപ പറമ്പുകളിലും കൊണ്ടിടുന്നതും പതിവാണ്. ഇതുമൂലം രാത്രിയില് കുറുക്കന്മാരുടെ ശല്യവും കൂടി വരുന്നുണ്ട്. പഞ്ചായത്തും സാമൂഹ്യസംഘടനകളും നിരീക്ഷണം ശക്തമാക്കിയപ്പോള് മാലിന്യനിക്ഷേപം ഇല്ലാതായതാണ്. എന്നാല് പ്രതിരോധം കുറയുന്ന സമയം നോക്കി അവശിഷ്ടങ്ങള് തള്ളുന്ന സ്ഥിതിയാണ്.
പ്രതികരിക്കാൻ ഇവിടെ എഴുതുക: