ആലുവ: മാര് അത്തനേഷ്യസ് ട്രോഫിക്കായുള്ള പതിനാറാമത് അഖിലേന്ത്യാ ഇന്റര് സ്കൂള് ഫുട്ബോള് ചാമ്പ്യന്ഷിപ്പില് മലപ്പുറം എംഎസ്പി ഹയര് സെക്കണ്ടറി സ്കൂള് ഫൈനലില്.
ഇന്നലെ നടന്ന സെമിഫൈനലില് ബെംഗളൂരു ആര്മി സ്പോര്ട്സ് സ്കൂളിനെ ഒന്നിനെതിരെ അഞ്ച് ഗോളുകള്ക്ക് തകര്ത്താണ് എംഎസ്പി സ്കൂള് ഫൈനിലേക്ക് കുതിച്ചത്. ഒരു ഗോളിന് പിന്നിട്ടുനിന്നശേഷമായിരുന്നു മലപ്പുറത്തിന്റെ കുതിപ്പ്. എംഎസ്പി സ്കൂളിനായി വിഷ്ണു ഭാസ്ക്കര് ഹാട്രിക്ക് േനടി.
10-ാം മിനിറ്റില് ടോണി. എച്ചിലൂടെ ആര്മി സ്പോര്ട്സ് സ്കൂള് ലീഡ് േനടി. 27-ാം മിനിറ്റില് ഇമെയില് ബെന്നിയിലൂടെ എംഎസ്പി സ്കൂള് സമനില പിടിച്ചു. 33-ാം മിനിറ്റില് ഗിഫ്റ്റി സി. ഗ്രേഷ്യസ് അവര്ക്ക് ലീഡും സമ്മാനിച്ചു. 55, 59, 66 മിനിറ്റുകളിലായിരുന്നു വിഷ്ണുവിന്റെ ഹാട്രിക്ക്.
ഇന്ന് രണ്ടാം സെമിയില് ജി.വി. രാജ തിരുവനന്തപുരം ഇടവണ്ണ ഇസ്ലാഹി ഓറിയന്റല് എച്ച്എസ്എസിനെ നേരിടും.
പ്രതികരിക്കാൻ ഇവിടെ എഴുതുക: