കൊല്ലം: ഹൈസ്കൂള്മുക്ക്-കോട്ടമുക്ക് റോഡില് അനധികൃത പാര്ക്കിങ് ഗതാഗതതടസ്സം സൃഷ്ടിക്കുന്നു. പുതിയ കുടുംബകോടതിയും സെഷന്സ്കോടതിയും പ്രവര്ത്തിക്കുന്ന കെട്ടിടത്തിന് മുന്നിലുള്ള ഭാഗത്താണ് അനധികൃത പാര്ക്കിങ്. കോടതിയില് വിവിധ ആവശ്യത്തിനെത്തുന്നവരുടെയും അഭിഭാഷകരുടെയും വാഹനങ്ങളാണ് ഇവിടെ അനധികൃതമായി പാര്ക്ക് ചെയ്യുന്നത്. രാവിലെ 11 മുതല് ഉച്ചയ്ക്ക് ഒന്നുവരെ ഇതുവഴി മറ്റുവാഹനങ്ങള് കടന്നുപോകാന് കഴിയാത്ത രീതിയിലാണ് റോഡിന് ഇരുവശവും വാഹനങ്ങള് പാര്ക്ക് ചെയ്തിരിക്കുന്നത്. ഇതിനെതിര നടപടിയുണ്ടാകണമെന്ന് പ്രദേശവാസികളും വ്യാപാരികളും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: