ഫുട്‌ബോള്‍ വികസനത്തിന് മൊബൈല്‍ ആപ്ലിക്കേഷന്‍

Tuesday 24 January 2017 10:52 pm IST

കൊച്ചി: സംസ്ഥാനത്തെ ഫുട്‌ബോള്‍ വികസന പരിപാടികളുടെ ഭാഗമായി കേരള ഫുട്‌ബോള്‍ അസോസിയേഷന്‍ പുതിയ മൊബൈല്‍ ആപ്ലിക്കേഷന്‍ പുറത്തിറക്കി. സംസ്ഥാനത്തെ ഫുട്‌ബോള്‍ അക്കാദമികള്‍, താരങ്ങള്‍ തുടങ്ങിയ മുഴുവന്‍ വിവരങ്ങളും ആപ്പില്‍ ലഭിക്കും. അക്കാദമികളില്‍ ചേരാന്‍ ഉദ്ദേശിക്കുന്ന കുട്ടികള്‍ക്കും രക്ഷിതാക്കള്‍ക്കും ആപ്ലിക്കേഷന്‍ വഴി സംസ്ഥാനത്തെ അംഗീകൃത അക്കാദമികളെ കുറിച്ചുള്ള സമഗ്ര വിവരം ലഭിക്കുമെന്ന് കെ.എഫ്.എ പ്രസിഡന്റ് കെ.എം.ഐ. മേത്തര്‍ വാര്‍ത്താസമ്മേളനത്തില്‍ അറിയിച്ചു. ഇന്ത്യയില്‍ ആദ്യമായാണ് ഒരു സംസ്ഥാന ഫുട്‌ബോള്‍ അസോസിയേഷന്‍ മൊബൈല്‍ ആപ്ലിക്കേഷന്‍ പുറത്തിറക്കുന്നത്. ബെംഗളൂരു ആസ്ഥാനമായ ആഡ്‌റഷ് എന്ന സ്ഥാപനമാണ് ആപ്പ് രൂപകല്‍പ്പന ചെയ്തത്. കെഎഫ്എ അക്കാദമി എന്ന ടൈറ്റില്‍ സെര്‍ച്ച് ചെയ്താല്‍ ആന്‍ഡ്രോയിഡ് ഫോണില്‍ ഗൂഗിള്‍ പ്ലേസ്‌റ്റോറില്‍ നിന്ന് ആപ് ഡൗണ്‍ലൗണ്‍ഡ് ചെയ്യാം. ഉടന്‍ തന്നെ വിന്‍ഡോസ് ഫോണുകളിലും ഇത് ലഭ്യമാക്കും. 172 അക്കാദമികളും എണ്ണായിരം താരങ്ങളുമാണ് കെഎഫ്എയില്‍ രജിസ്റ്റര്‍ ചെയ്തിട്ടുള്ളത്. അവശേഷിക്കുന്ന താരങ്ങളുടെ പ്രൊഫൈലും അക്കാദമികളുടെ പൂര്‍ണമായ വിവരങ്ങളും പിന്നീട് ആപ്ലിക്കേഷനില്‍ അപ്‌ലോഡ് ചെയ്യും. അംഗീകൃത പരിശീലകരുടെ വിവരങ്ങളും ആപില്‍ ലഭ്യമാണ്. കെ.എഫ്.എ സംഘടിപ്പിക്കുന്ന ടൂര്‍ണമെന്റുകളുടെ വിവരങ്ങളും പിന്നീട് ആപ് വഴി ലഭ്യമാക്കും. കെഎഫ്എ ജനറല്‍ സെക്രട്ടറി അനില്‍കുമാര്‍, ആഡ്‌റഷ് ഡയറക്ടര്‍ ഖുഷ് ബഹുഗുണ, കെഎഫ്എ മാര്‍ക്കറ്റിങ് ഡയറക്ടര്‍ സുധീര്‍ മേനോന്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു. പ്രീമിയര്‍ ലീഗ് ഏപ്രിലില്‍ കൊച്ചി: കേരള ഫുട്‌ബോള്‍ അസോസിയേഷന്‍ സംഘടിപ്പിക്കുന്ന കേരള പ്രീമിയര്‍ ലീഗിന്റെ നാലാമത് എഡിഷന് ഏപ്രില്‍ ആദ്യവാരം തുടക്കം. പുതിയ ഫോര്‍മാറ്റിലാണ് ഇത്തവണ മത്സരങ്ങള്‍. ഹോം, എവേ അടിസ്ഥാനത്തിലാകും മത്സരങ്ങള്‍. കഴിഞ്ഞ സീസണ്‍ വരെ ഒരേയൊരു വേദി മാത്രമാണുണ്ടായിരുന്നത്. ഒമ്പതു ടീമുകളുടെ പങ്കാളിത്തം ഇതുവരെ ഉറപ്പാക്കി. വിവിധ ടീമുകളും ഹോം ഗ്രൗണ്ടും: ക്വാര്‍ട്ട്‌സ് എഫ്‌സി (കോര്‍പ്പറേഷന്‍ സ്റ്റേഡിയം കോഴിക്കോട്), കേരള പൊലീസ് (കോട്ടപ്പടി മൈതാനം മലപ്പുറം), സാറ്റ് തിരൂര്‍ (മുനിസിപ്പല്‍ സ്റ്റേഡിയം തിരൂര്‍), ഗോകുലം എഫ്‌സി മഞ്ചേരി (സ്‌പോര്‍ട്‌സ് കൗണ്‍സില്‍ സ്റ്റേഡിയം), എഫ്‌സി കേരള, എഫ്‌സി തൃശൂര്‍(കോര്‍പ്പറേഷന്‍ സ്റ്റേഡിയം തൃശൂര്‍), സെന്‍ട്രല്‍ എക്‌സൈസ്(അംബേദ്ക്കര്‍ സ്റ്റേഡിയം കൊച്ചി), എസ്ബിടി (ചന്ദ്രശേഖരന്‍ നായര്‍ സ്റ്റേഡിയം, തിരുവനന്തപുരം), കെഎസ്ഇബി (ശ്രീപാദം മിനി സ്‌റ്റേഡിയം ആറ്റിങ്ങല്‍). ഏപ്രില്‍ രണ്ടിന് മലപ്പുറം കോട്ടപ്പടി മൈതാനിയില്‍ ഉദ്ഘാടന മത്സരം.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.