ശാസ്താംകോട്ട: മൈനാഗപ്പള്ളി പഞ്ചായത്തിലെ രൂക്ഷമായ കുടിവെള്ളക്ഷാമത്തിന് പരിഹാരം കാണണമെന്ന് ആവശ്യപ്പെട്ട് യുവമോര്ച്ചാ പ്രവര്ത്തകര് പഞ്ചായത്ത് സെക്രട്ടറിയെ ഉപരോധിച്ചു. സമരം യുവമോര്ച്ച ജില്ലാജനറല് സെക്രട്ടറി വി.എസ്.ജിതിന്ദേവ് ഉദ്ഘാടനം ചെയ്തു.
പഞ്ചായത്തിലെ കുടിവെള്ള ക്ഷാമം പരിഹരിക്കുന്നതിനായി തയാറാക്കിയ കുടിവെള്ള പമ്പ്ഹൗസുകള് പഞ്ചായത്തിന്റെയും വാട്ടര്അതോറിറ്റിയുടെയും അനാസ്ഥ കാരണം പ്രവര്ത്തനം ആരംഭിക്കാതെ കിടക്കുകയാണ്. കുടിവെള്ള ക്ഷാമത്തെ തുടര്ന്ന് ജനങ്ങള് ദുരിതം അനു’വിക്കുമ്പോഴും പഞ്ചായത്ത് അധികാരികള് അനങ്ങാപ്പാറ നയം സ്വീകരിച്ചിരിക്കുകയാണെന്ന് അദ്ദേഹം പറഞ്ഞു. 2014ല് പഞ്ചായത്ത് പ്രഖ്യാപിച്ച പടിവാതില്ക്കല് കുടിവെള്ളപദ്ധതി പുതിയ ഭരണസമിതി ഏകപക്ഷീയമായി പിന്വലിച്ചതിനെ തുടര്ന്ന് ജലനിധി സമിതി സെക്രട്ടറിമാര് ജപ്തിഭീഷണി നേരിടുകയാണെന്നും ജിതിന്ദേവ് കൂട്ടിച്ചേര്ത്തു. സമരത്തെ തുടര്ന്ന് കുടിവെള്ളക്ഷാമം രൂക്ഷമായ പ്രദേശങ്ങളില് ടാങ്കുകളില് വെള്ളമെത്തിക്കാനുള്ള നടപടികള് സ്വീകരിക്കുമെന്നും തയ്യാറായ പമ്പ്ഹൗസുകള് ഉടന് തന്നെ കമ്മീഷന് ചെയ്യുമെന്നും പഞ്ചായത്ത് അധികാരികള് ഉറപ്പു നല്കി.
സമരത്തിന് യുവമോര്ച്ച മണ്ഡലം വൈസ് പ്രസിഡന്റ് ഗണേഷ് ജനാര്ദ്ദനന്, ട്രഷറര് വി.മഹേഷ്, ന്യൂനപക്ഷമോര്ച്ച മണ്ഡലം പ്രസിഡന്റ് ബിനോയ്ജോര്ജ്ജ്, നേതാക്കളായ വിപിന്പണിക്കര്, അഭിജിത്ത്, അഖില്, ഉണ്ണി, മഠത്തില് ശ്രീകുമാര്, അനില് വട്ടത്ര, വിനോദ് കെആര്സി, അമ്പിളി, ജലജ എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: