കോഴിക്കോട്: കേരള സംഗീത നാടക അക്കാദമി- ജില്ലാ ടൂറിസം പ്രമോഷന് കൗണ്സിലുമായി ചേര്ന്ന് സംഘടിപ്പിക്കുന്ന ഗസല് രാത് – ഗസല് സംഗീതോത്സവം നാളെ മുതല് അഞ്ച് ദിവസം ഭട്ട് റോഡ് ബീച്ചില് അരങ്ങേറും. തലത്ത് അസീസ്, ചന്ദന്ദാസ്, ജിതേഷ് സുന്ദരം, ഉമ്പായി, ഗായത്രി, അബ്രാദിത ബാനര്ജി എന്നീ ആറു ഗായകരാണ് എത്തുന്നത്.
ഭട്ട് റോഡ് ബീച്ചില് വിനോദസഞ്ചാരവകുപ്പിന്റെ നേതൃത്വത്തില് എ.പ്രദീപ്കുമാര് എംഎല്എയുടെ ഫണ്ട് ഉപയോഗിച്ച് നടത്തിയ നിര്മാണപ്രവര്ത്തനങ്ങളുടെ ഉദ്ഘാടനവും ഇതോടനുബന്ധിച്ച് നടക്കും. ഏകദേശം 2500 ആളുകള്ക്ക് പ്രത്യേകം ഇരിപ്പിട സൗകര്യവും ഒരുക്കുന്നുണ്ടെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. നാളെ വൈകീട്ട് അഞ്ച് മണിക്ക് മന്ത്രി കടന്നപ്പള്ളി രാമചന്ദ്രന് ഗസല് രാത് ഉദ്ഘാടനം ചെയ്യും.
എല്ലാ ദിവസവും വൈകീട്ട് ആറിനാണ് ഗസല് ആലാപനം നടക്കുക്. രണ്ടിന് നടക്കുന്ന സമാപനസമ്മേളനം മന്ത്രി എ.കെ. ബാലന് ഉദ്ഘാടനം ചെയ്യും. എ.പ്രദീപ് കുമാര് എംഎല്എ, അഡ്മിനിസ്ട്രേറ്റീവ് ഓഫീസര് പി. മധു, കേരള ലളിത നാടക അക്കാദമി പ്രോഗ്രാം ഓഫീസര് എ.വി. രാജീവന്, ഡിടിപിസി മാനേജര് വി.പി. ശ്രീനിവാസന് തുടങ്ങിയവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: