റോം: ഇറ്റാലിയന് ലീഗ് സീരി എയില് നിലവിലെ ചാമ്പ്യന്മാരായ യുവന്റസിന്റെ വിജയക്കുതിപ്പ്. ഇന്നലെ നടന്ന കളിയില് മറുപടിയില്ലാത്ത രണ്ട് ഗോളുകള്ക്ക് അവര് സാസ്സുലോയെ പരാജയെപ്പടുത്തി.കളിയുടെ ഒമ്പതാം മിനിറ്റില് ഗൊണ്സാലൊ ഹിഗ്വയിനും 25-ാം മിനിറ്റില് സമി ഖദീരയുമാണ് യുവന്റസിനായി ഗോളുകള് നേടിയത്. ജയത്തോടെ യുവന്റസിന് 21 കളികളില് നിന്ന് 51 പോയിന്റായി.
മറ്റൊരു മത്സരത്തില് രണ്ടാം സ്ഥാനത്തുള്ള റോമക്ക് അപ്രതീക്ഷിത പരാജയം നേരിട്ടപ്പോള് മൂന്നാമതുള്ള നാപ്പോളി സമനിലയില് കുടുങ്ങി. ഹോം മത്സരത്തില് സാംപദോറിയയാണ് രണ്ടിനെതിരെ മൂന്ന് ഗോളുകള്ക്ക് റോമയെ കീഴടക്കിയത്. രണ്ട് തവണ മുന്നിട്ടുനിന്നശേഷമായിരുന്നു റോമയുടെ പരാജയം. റോമക്ക് 22 കളികൡ നിന്ന് 47 പോയിന്റാണുള്ളത്.
പലേര്മോയാണ് എവേ മത്സരത്തില് നാപ്പോളിയെ 1-1ന് സമനിലയില് തളച്ചത്. നാപ്പോളിക്ക് 45 പോയിന്റ്. അതേസമയം മറ്റൊരു മത്സരത്തില് എസി മിലാന് ഒന്നിനെതിരെ രണ്ട് ഗോളുകള്ക്ക് ഉദിനെസെയോട് തോറ്റു. കളിയുടെ എട്ടാം മിനിറ്റില് ബൊണാവെഞ്ചുറയിലൂടെ ലീഡ് നേടിയശേഷമായിരുന്നു എസി മിലാന്റെ പരാജയം. മറ്റ് കളികളില് അറ്റ്ലാന്റ 1-1ന് ടോറിനോയോടും ഫിയോറന്റീന 3-3ന് ഗനോവയോടും സമനിലയില് പിരിഞ്ഞു.
പ്രതികരിക്കാൻ ഇവിടെ എഴുതുക: