പയ്യന്നൂര്: ആര്എസ്എസ് പയ്യന്നൂര് താലൂക്ക് കാര്യവാഹ് കെ.വി.സജിത്തിനെ വെട്ടിക്കൊല്ലാന് ശ്രമിച്ച കേസില് 20 സിപിഎം പ്രവര്ത്തകര്ക്കെതിരെ പെരിങ്ങോം പോലീസ് കേസെടുത്തു. തിങ്കളാഴ്ച രാത്രി കാങ്കോല് ശിവക്ഷേത്രത്തിന് സമീപത്തെ കൈലാസം ഓഡിറ്റോറിയത്തില് ആര്എസ്എസ് സംഘടിപ്പിച്ച പരിപാടിയില് സംബന്ധിക്കാനെത്തിയതായിരുന്നു സജിത്ത്. പരിപാടി നടന്ന ഹാളിലേക്ക് നൂറോളം വരുന്ന സിപിഎം സംഘം മാരകായുധങ്ങളുമായി ഇരച്ചുകയറുകയും സജിത്തിനെ വെട്ടിപ്പരിക്കേല്പ്പിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ സജിത്ത് കണ്ണൂരിലെ സ്വകാര്യ ആശുപത്രിയില് ചികിത്സയിലാണ്. അക്രത്തില് കരിവെള്ളൂര് ചീറ്റയിലെ ആര്എസ്എസ് പ്രവര്ത്തകനായ രഞ്ജിത്ത് (30)നും പരിക്കേറ്റിരുന്നു.
സജിത്തിന് ഇന്നലെ അടയന്തിര ശസ്ത്രക്രിയ നടത്തി. സംഭവുമായി ബന്ധപ്പെട്ട് സിപിഎം ഡിവൈഎഫ്ഐ പ്രവര്ത്തകരായ കുണ്ടയാംകോവിലിലെ രാഹുല്, പാനോത്തെ ബിജു, ചൂരലിലെ രാജന്, ലോമാന്, രാജീവന്, നവാസ്, സുധീഷ്, ലിജീഷ് തുടങ്ങിയ പത്തുപേര്ക്കെതിരെയും കണ്ടാലറിയാവുന്ന പത്തുപേര്ക്കുമെതിരെയാണ് പോലീസ് കേസെടുത്തിട്ടുള്ളത്.
സിപിഎമ്മിന്റെ അക്രമ തേര്വാഴ്ച വ്യാപകമായ പ്രതിഷേധത്തിന് കാരണമായിട്ടുണ്ട്.
പ്രതികരിക്കാൻ ഇവിടെ എഴുതുക: