അരങ്ങം മഹാദേവക്ഷേത്ര മഹോത്സവം ഇന്ന് കൊടിയേറും

Wednesday 1 February 2017 12:57 am IST

ആലക്കോട്: ഉത്തരമലബാറിലെ പ്രസിദ്ധമായ അരങ്ങം ശ്രീ മഹാദേവ ക്ഷേത്രത്തിലെ എട്ട് ദീവസം നീണ്ടു നില്‍ക്കുന്ന മഹോത്സവം ഇന്ന് കൊടിയേറും ഇതിന്റെ ഭാഗമായി കഴിഞ്ഞ ദിവസം ക്ഷേത്രം തന്ത്രി തെക്കിനിയേടത്ത് തരണനെല്ലൂര്‍ പത്മനാഭനുണ്ണി നമ്പൂതിരിപ്പാടിന്റെ മുഖ്യകാര്‍മ്മികത്വത്തില്‍ വിവിധ താന്ത്രിക കര്‍മ്മങ്ങള്‍ നടന്നു. ഇന്നലെ തിരുവാഭരണ, കലവറ നിറക്കല്‍ ഘോഷയാത്രകള്‍ നടത്തി. വൈകുന്നേരം 4 മണിക്ക് ആലക്കോട് കൊട്ടാരത്തില്‍ നിന്നും തിരുവാഭരണ ഘോഷയാത്ര ആരംഭിച്ചു. അതോടൊപ്പം രയരോം, നെല്ലിപ്പാറ, കോളി, പൂവ്വന്‍ചാല്‍, കൂളാംബി, നരിയംപാറ, കൊട്ടയാട്, വെള്ളാട്, കരുവന്‍ചാല്‍, ഒറ്റത്തൈ, അരങ്ങം, ആലക്കോട് എന്നിവിടങ്ങളില്‍ നിന്നും പുറപ്പെട്ട കലവറ നിറക്കല്‍ ഘോഷയാത്രകള്‍ ആലക്കോട് മുത്തപ്പന്‍ ക്ഷേത്രത്തില്‍ കേന്ദ്രീകരിച്ച് അരങ്ങം ക്ഷേത്രത്തിലേക്ക് പുറപ്പെട്ടു. കലവറ ഘോഷയാത്രയില്‍ നൂറുകണക്കിന് ഭക്തര്‍ പങ്കെടുത്തു. അജിത്ത് രാമവര്‍മ്മ, കെ.ഗോപാലകൃഷ്ണന്‍ മാസ്റ്റര്‍, കെ.എസ്.തുളസീധരന്‍, സി.ജി.ഗോപന്‍, എം.ടി.മുരളീധരന്‍ തുടങ്ങിയവര്‍ നേതൃത്വം നല്‍കി. ഇന്ന് വൈകുന്നേരം 7 മണിക്ക് കൊടിയേറ്റം നടക്കും. തുടര്‍ന്ന് കേളി, കൊമ്പുപറ്റ്, ഭഗവതിസേവ, അത്താഴപൂജ, 2 മുതല്‍ 7 വരെ രാവിലെ 9.30 ന് ഓട്ടന്‍തുള്ളല്‍, വൈകുന്നേരം 3 ന് ചാക്യാര്‍കൂത്ത്, രാത്രി 7 ന് തായമ്പക, 2 ന് രാത്രി 7 ന് കപ്പണ ശ്രീവീരഭദ്രസ്വാമി ക്ഷേത്രത്തില്‍ നിന്നും കെട്ടുകാഴ്ചവരവ്, 5 ന് രാവിലെ 7 ന് ഉത്സവബലി ആരംഭം, 9 മണിക്ക് ഉത്സവബലി ദര്‍ശനം, 6 ന് വൈകുന്നേരം 3.30 ന് ആലക്കോട്ടേക്ക് പറയെഴുന്നള്ളിപ്പ്, ആലക്കോട് കൊട്ടാരത്തില്‍ ഇറക്കിപൂജ, പറയെടുപ്പ്, രാത്രി 7 ന് ടൗണ്‍ പന്തലില്‍ അഞ്ച് ഗജവീരന്‍മാരെ അണിനിരത്തി സേവ, പറയെടുപ്പ്, ട്രിപ്പിള്‍ തായമ്പക, 7 ന് പള്ളിവേട്ട, രാത്രി 8.30 ന് കൊടിമരച്ചുവട്ടില്‍ പാണികൊട്ടി പള്ളിവേട്ട എഴുന്നള്ളത്ത്, പള്ളിവേട്ട, 9 ന് പഞ്ചവാദ്യം, നാദസ്വരം, പാണ്ടിമേളത്തോടെയുള്ള പള്ളിവേട്ട തിരിച്ചെഴുന്നള്ളത്ത്, 8 ന് പുലര്‍ച്ചെ ആറാട്ട്, ഉച്ചക്ക് ആറാട്ട് സദ്യ, വൈകുന്നേരം 3 മണിക്ക് ആറാട്ടുബലി, ആറാട്ടുകടവിലേക്ക് എഴുന്നള്ളത്ത്, തുടര്‍ന്ന് ആറാട്ട്, രാത്രി 8.30 ന് വലിയ കാണിക്ക, കൊടിമരച്ചുവട്ടില്‍ പറയെടുപ്പ്, കൊടിയിറക്കല്‍, 9 ന് പുലര്‍ച്ചെ കളഭാഭിഷേകം എന്നിവയും ക്ഷേത്രം സ്റ്റേജില്‍ 1 ന് രാത്രി 8 മണിക്ക് ഭജന, 9 ന് നൃത്തനൃത്യങ്ങള്‍, 10.30 ന് നാടന്‍ കലാമേള, 11.30 മുതല്‍ ഡാന്‍സ് അക്കാദമി ഹൈദരാബാദ് അവതരിപ്പിക്കുന്ന ഡാന്‍സിങ്ങ് കളേഴ്‌സ്, 2 ന് വൈകുന്നേരം 7 മണിക്ക് സംഗീതാര്‍ച്ചന, 8 മുതല്‍ ഡാന്‍സ് അരങ്ങേറ്റം, തുടര്‍ന്ന് ഭരതനാട്യം, കലാസന്ധ്യ, നൃത്തനൃത്യങ്ങള്‍, ഗാനമേള, 3 ന് വൈകുന്നേരം 7 മുതല്‍ തിരുവാതിര, സംഗീതസദസ്സ്, മറത്തുകളി, നാടകം, 4 ന് വൈകുന്നേരം 7 മുതല്‍ സംഗീതനിശ, സംഗീതക്കച്ചേരി, കഥകളി, ഓട്ടന്‍തുള്ളല്‍, 5 ന് 8 മുതല്‍ നൃത്തനൃത്യങ്ങള്‍, നാടകം, 6 ന് വൈകുന്നേരം 7 ന് പി.എസ്.മോഹനന്‍ കൊട്ടിയൂരിന്റെ പ്രഭാഷണം, 7 ന് സാംസ്‌കാരിക സമ്മേളനം, 9 മുതല്‍ നൃത്തനൃത്യങ്ങള്‍, നാടന്‍കലാമേള, ഗാനമേള, 7 ന് വൈകുന്നേരം 7 മുതല്‍ നൃത്തനിശ, വൈക്കം വിജയലക്ഷ്മിയുടെ ഗാനമഞ്ജരി, കഥാപ്രസംഗം, 8 ന് വൈകുന്നേരം 7 മണിക്ക് സി.വിജയമ്മ ടീച്ചറുടെ പ്രഭാഷണം, തുടര്‍ന്ന് സംഗീതക്കച്ചേരി, ഫോക് ഫെസ്റ്റ്, ബാലെ നാടകം, പുലര്‍ച്ചെ കരിമരുന്ന് പ്രയോഗം എന്നിവയാണ് പ്രധാന പരിപാടികള്‍.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.