കണ്ണൂര്: മിനിസ്ട്രി ഓഫ് സ്കില് ഡവലപ്പ്മെന്റ് & എന്റര്പ്രണര്ഷിപ്പിന്റെ കീഴില് പ്രധാന്മന്ത്രി കൗശല് വികാസ് യോജനയുടെ 2016-2020 വര്ഷത്തെ ആദ്യ ഘട്ടത്തില് ബ്യൂട്ടി ആന്റ് വെല്നസ്സ് സെക്ടറിലെ അസിസ്റ്റന്റ് ബ്യൂട്ടി തെറാപ്പിസ്റ്റ് കോഴ്സിന് ഇപ്പോള് അപേക്ഷിക്കാം. 18 നും 35 നും ഇടയില് പ്രായമുളള യുവതീ യുവാക്കള്ക്ക് ആണ് പരിശീലനം. ത്രെഡിങ്ങ്, ബ്ളീച്ചിംഗ്, ഫേഷ്യല്, മാനിക്യുര്, പെഡിക്യുര്, വാക്സിംഗ്, മെയ്ക്അപ്പ് എന്നിവ ഉള്പ്പെട്ട സിലബസിന്റെ കാലാവധി 290 മണിക്കൂര് ആണ്. ഈ മാസവും ഏപ്രില്-മെയ് മാസങ്ങളില് നടക്കുന്ന സമ്മര് വെക്കേഷനിലെ സൗജന്യ കോഴ്സുകള്ക്കുമുള്ള അഡ്മിഷന് 10 ന് 5 മണി വരെയാണ്. ഞായറാഴ്ചയും രജിസ്ട്രേഷന് ലഭിക്കും. അപേക്ഷകര് എസ്എസ്എല്സി, ആധാര് എന്നിവയുടെ ഒറിജിനലും ഫോട്ടോ കോപ്പിയും ഒരു പാസ്പോര്ട്ട് സൈസ് ഫോട്ടോയുമായി കണ്ണൂര് കൊയിലി ആശുപത്രിക്ക് എതിര്വശമുളള കേരള വൊക്കേഷണല് ട്രെയിനിംഗ് സെന്ററില് എത്തിച്ചേരണം. അപ്പാരല് സെക്ടറിലെ സെല്ഫ് എംപ്ലോയ്ഡ് ടെയ്ലര് (380 മണിക്കൂര്), ഇലക്ട്രോണിക്സ് സെക്ടറിലെ മൊബൈല് ഫോണ് ഹാര്ഡ്വെയര് റിപ്പയര് ടെക്നീഷ്യന് (400 മണിക്കൂര്) എന്നീ പരിശീലനങ്ങളിലേക്കും അഡ്മിഷന് ലഭിക്കും. ഫോണ്. 9249423133.
പ്രതികരിക്കാൻ ഇവിടെ എഴുതുക: