തിരുവനന്തപുരം: കെഎസ്ആര്ടിസിലെ ഒരു വിഭാഗം ജീവനക്കാര് നടത്തുന്ന 24 മണിക്കൂര് പണിമുടക്ക് അനാവശ്യമെന്ന് ഗതാഗതമന്ത്രി എകെ ശശീന്ദ്രന്. എന്ത് കാര്യത്തിനാണ് ഇവര് സമരം നടത്തുന്നതെന്ന് അറിയില്ല. സര്വീസ് മുടക്കിയുള്ള സമരം കൂടുതല് പ്രതിസന്ധി സൃഷ്ടിക്കും.
ജീവനക്കാര് മുന്നോട്ടു വച്ച ആവശ്യങ്ങള് പരമാവധി പരിഹരിക്കാന് ശ്രമിച്ചിട്ടുണ്ടെന്നും ഏഴാം തീയതി ശമ്പളവും പെന്ഷനും നല്കുമെന്ന് നേരത്തെ അറിയിച്ചിരുന്നതാണെന്നും മന്ത്രി എകെ ശശീന്ദ്രന് മാധ്യമങ്ങളോട് പറഞ്ഞു.
ബിഎംഎസിന്റെ കെഎസ്ടി എംപ്ലോയീസ് സംഘ്, ഭരണാനുകൂല എഐടിയുസി, കോണ്ഗ്രസ് അനുകൂല ട്രാന്സ്പോര്ട്ട് ഡെമോക്രാറ്റിക് ഫെഡറേഷന് എന്നീ മൂന്നു സംഘടനകളാണ് പണിമുടക്ക് നടത്തുന്നത്.
പ്രശ്നങ്ങള്ക്കു ശാശ്വത പരിഹാരം കണ്ടില്ലെങ്കില് മാര്ച്ച് ഒന്നിനു നിയമസഭാമാര്ച്ചും മാര്ച്ച് ആറു മുതല് അനിശ്ചിതകാല പണിമുടക്കും യൂണിയന് പ്രഖ്യാപിച്ചിട്ടുണ്ട്.
സേവനക്കരാറിന്റെ അടിസ്ഥാനത്തില് മാത്രം ജീവനക്കാരുടെ ഡ്യൂട്ടി സമയം ക്രമീകരിക്കുക, എംപാനല് ജീവനക്കാരെ അകാരണമായി പീഡിപ്പിക്കുന്നതും പിരിച്ചുവിടുന്നതും അവസാനിപ്പിക്കുക, തുടങ്ങിയവയാണ് കെഎസ്ടി എംപ്ലോയീസ് സംഘ് മുന്നോട്ടുവയ്ക്കുന്ന മറ്റ് ആവശ്യങ്ങള്.
പ്രതികരിക്കാൻ ഇവിടെ എഴുതുക: