അമ്പലപ്പുഴ: സ്കൂള് കെട്ടിടത്തിന് കൂടുതല് തുക ചെലവഴിക്കുന്നതില് പ്രതിഷേധിച്ച് ശിലാസ്ഥാപനം നിര്വഹിക്കാതെ മന്ത്രി മടങ്ങി. മന്ത്രി ജി. സുധാകരനാണ് ശിലാസ്ഥാപനം നിര്വഹിക്കാതെ മടങ്ങിയത്. അമ്പലപ്പുഴ കെ.കെ. കുഞ്ചുപിള്ള സ്കൂളില് ക്ലാസ് മുറികള് നിര്മ്മിക്കുന്നതിന് ആസ്തി വികസന ഫണ്ടില് നിന്ന് 55 ലക്ഷം രൂപ ജി. സുധാകരന് അനുവദിച്ചിരുന്നു. കെട്ടിട നിര്മ്മാണം മൂന്നു മാസം മുന്പ് ആരംഭിച്ചിരുന്നെങ്കിലും ഇതിന്റെ ശിലാസ്ഥാപനം നടന്നിരുന്നില്ല. ഇന്നലെ സ്കൂളിലെത്തിയപ്പോഴാണ് 55 ലക്ഷം രൂപ ചെലവില് രണ്ടുക്ലാസ്സ് മുറികള് മാത്രമാണ് നിര്മ്മിക്കുന്നതെന്ന് മന്ത്രിക്ക് മനസ്സിലായത്.
എന്നാല് ഇവരുടെ മറുപടി തൃപ്തികരമല്ലാതിരുന്നതിനാല് ശിലാസ്ഥാപനം നിര്വഹിക്കാതെ മന്ത്രി മടങ്ങുകയായിരുന്നു. ഇതു സംബന്ധിച്ച് അന്വേഷിച്ച് റിപ്പോര്ട്ടു സമര്പ്പിക്കാന് പൊതുമരാമത്ത് വകുപ്പ് ചീഫ് ടെക്നിക്കല് എക്സാമിനര്ക്ക് നിര്ദ്ദേശം നല്കുമെന്ന് മന്ത്രി പറഞ്ഞു. സ്കൂള് കെട്ടിടങ്ങളുടെ നിര്മ്മാണത്തിന് കൂടുതല് തുകയാണ് ചെലവഴിക്കുന്നതെന്ന് താന് വിമര്ശനമുന്നയിക്കുമ്പോഴാണ് ഇത്രയും കൂടുതല് തുക ഇതിനായി ചെലവഴിക്കുന്നത്. നിര്മ്മാണം ആരംഭിച്ച സ്ഥിതിക്ക് ഇത് തടസ്സപ്പെടുത്തുന്നില്ലെന്നും നിര്മ്മാണം തുടരാനും മന്ത്രി നിര്ദ്ദേശം നല്കി.
പ്രതികരിക്കാൻ ഇവിടെ എഴുതുക: