ഇരിട്ടി: മുഴക്കുന്ന് പഞ്ചായത്തിലെ വിവിധ ഭാഗങ്ങളില് സ്ഥാപിച്ച പ്രവര്ത്തന രഹിതമായ തെരുവ് വിളക്കുകള് എത്രയും പെട്ടെന്ന് പ്രവര്ത്തനക്ഷമമാക്കണമെന്നും തകര്ന്നു കിടക്കുന്ന പാല നെല്ലാട്ട് റോഡ് ഗതാഗതയോഗ്യമാക്കണമെന്നും ബിജെപി മുഴക്കുന്ന് പഞ്ചായത്ത് കമ്മറ്റിയോഗം അധികൃതരോടാവശ്യപ്പെട്ടു. തെരുവ് വിളക്കുകള് കത്താത്തത് മൂലം രാത്രിയാത്രികര് പലപ്പോഴും ഇരുട്ടില് തപ്പുകയാണ്. പാല-നെല്ലാട്ട് റോഡു കാല്നടയാത്രപോലും സാദ്ധ്യമാവാത്ത വിധം തകര്ന്നിരിക്കയാണ്. എത്രയും പെട്ടെന്ന് ഇവയുടെ തകരാറുകള് പരിഹരിച്ചു ജനങ്ങളുടെ ദുരിതമകറ്റിയില്ലെങ്കില് വന് പ്രക്ഷോഭത്തിന് ബിജെപി തയ്യാറാവേണ്ടി വരുമെന്നും യോഗം മുന്നറിയിപ്പ് നല്കി. യോഗത്തില് ബിജെപി മുഴക്കുന്ന് പഞ്ചായത്ത് പ്രസിഡന്റ് വി.മുരളീധരന് അദ്ധ്യക്ഷത വഹിച്ചു. പേരാവൂര് മണ്ഡലം വൈസ് പ്രസിഡന്റ് എന്.വി.ഗിരീഷ്, കമ്മിറ്റിയംഗം ആര്.പി.പത്മനാഭന്, സുരേഷ് പുല്ലാഞ്ഞിയോട്, കെ.ജനാര്ദ്ദനന്, വത്സന് ഹരിദാസ്, കെ.കെ.പ്രതീപന്, ശകുന്തള, പഞ്ചായത്തംഗങ്ങളായ എം.വിനീത, കെ.കെ.ഉമേശന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: