തിരുവനന്തപുരം: പ്രധാനമന്ത്രി കൗശല് വികാസ് യോജനപ്രകാരമുള്ള കാര്ഷി ക തൊഴില് നൈപുണ്യ വികസന പദ്ധതിക്ക് തുടക്കം കുറിച്ചു.
ഉദ്ഘാടനം ഒ. രാജഗോപാല് എംഎല്എ നിര്വഹിച്ചു. പള്ളിച്ചല് ഗ്രാമപഞ്ചായത്ത് വൈസ് പ്രസിഡന്റ് പള്ളിച്ചല് സതീഷ് അധ്യക്ഷത വഹിച്ചു.
സമൂഹത്തിന്റെ വികസനം തൊഴില് നൈപുണിയിലൂടെ മാത്രമേ സാദ്ധ്യമാകൂ എന്നും കേന്ദ്രസര്ക്കാര് അതിനുവേണ്ടി നടത്തുന്ന വിവിധ പദ്ധതികള് ജനങ്ങള് ഉപയോഗപ്പെടുത്തണമെന്നും ഒ. രാജഗോപാല് പറഞ്ഞു. പഠിതാക്കള്ക്കായുള്ള ജൈവകൃഷി പഠന സഹായി എന്ന പുസ്തകം വെജിറ്റബിള് ആന്റ് ഫ്രൂട്ട് പ്രമോഷന് കൗണ്സില് ജില്ലാ മാനേജര് മേരി സൈമണിന് കൈമാറി രാജഗോപാല് പ്രകാശനം ചെയ്തു.
യോഗത്തില് ഐഎല് ആന്റ് എഫ്എസ് സ്കില് ഡവലപ്പ്മെന്റ് കോര്പ്പറേഷന് (കേരള) മേധാവി ഡി. വിപിന്ദാസ്, വിഎഫ്പിസികെ മാനേജര് മേരി സൈമണ്, പ്രമുഖ കാര്ഷിക ശാസ്ത്രജ്ഞന് ഡോ. കമലാസനന്പിള്ള, അക്ഷയ ഡയറക്ടര് സരിത എസ്.എസ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: