കാട്ടാക്കട: കാട്ടാക്കട പൂച്ചെടി വിളയില് പൈപ്പ് പൊട്ടി വെള്ളം ഒഴുകാന് തുടങ്ങിയിട്ട് ആഴ്ചകള് പിന്നിട്ടു. വീട്ടുകാരും നാട്ടുകാരും ജല വകുപ്പില് വിവരം പറഞ്ഞിട്ടും അധികൃതര്ക്ക് നിസ്സംഗത. കാട്ടാക്കട പൂച്ചെടിവിള ചന്ദ്രന്റെ വീട്ടിലേക്കുള്ള പൈപ്പ് കണക്ഷനാണ് കാലപ്പഴക്കത്താല് ദ്രവിച്ചു പൊട്ടിയത്.
ചെറുതായി ചോര്ന്നു തുടങ്ങിയ വെള്ളം ദിവസങ്ങള് കഴിഞ്ഞതോടെ ശക്തിയായി പുറത്തേക്കു പ്രവഹിച്ചു. പൊതു ഓട നിറഞ്ഞുകവിഞ്ഞ് വെള്ളം റോഡിലേക്കു ഒഴുകാന് തുടങ്ങി. കുടിവെള്ളം പാഴാകാതിരിക്കാന് തുണിയും മറ്റും ഉപയോഗിച്ച് കെട്ടി നിറുത്താന് വീട്ടുകാര് ശ്രമിച്ചെങ്കിലും സാധിച്ചില്ല.
പ്രധാന പൈപ്പില് നിന്നുള്ള കണക്ഷന് സ്വയം മാറ്റിയാല് ഉണ്ടാകാവുന്ന നൂലാമാലകള് വേണ്ടെന്നു കരുതി വീട്ടുകാര് പരിഹാരം കാണാനായി കാട്ടാക്കട വാട്ടര് അതോറിറ്റിയെ സമീപിച്ചു. വന്നു നോക്കാമെന്ന് പറഞ്ഞു എങ്കിലും രണ്ടു ദിവസമായിട്ടും അധിക്യകര് ആരും എത്തിയില്ല.ഒടുവില് വെള്ളയമ്പലം ഓഫിസില് പരാതി പറഞ്ഞു. ഉടന് തന്നെ പ്രശ്ന പരിഹാരം ഉണ്ടാക്കാം എന്ന വാഗ്ദാനം അവിടെനിന്നും ഉണ്ടായി. എന്നാല് ദിവസങ്ങള് കഴിഞ്ഞിട്ടും പൈപ്പ് തകരാര് പരിഹരിക്കാന് ആരും എത്തിയില്ല ഇതോടെ നാട്ടുകാരും ഇതേ ആവശ്യം ഉന്നയിച്ചു വാട്ടര് അതോറിറ്റിയെ സമീപിച്ചു. പൈപ്പല്ലേ പൊട്ടും എന്നും വെള്ളമല്ലേ ഒഴുകും എന്നുമാണ് അധികൃതര് പറഞ്ഞതത്രെ.
പ്രതികരിക്കാൻ ഇവിടെ എഴുതുക: