കൊല്ക്കത്ത: ബംഗാളി സിനിമ, സീരിയല് താരം ബിതസ്ത സാഹയെ(28) തെക്കന് കൊല്ക്കത്തയിലെ ഫ്ളാറ്റില് തൂങ്ങി മരിച്ച നിലയില് കണ്ടെത്തി. ചൊവ്വാഴ്ച രാത്രിയില് ബന്ധുക്കളാണ് മൃതദേഹം കണ്ടെത്തിയത്.
ബന്ധുക്കള് പോയി വിളിച്ചിട്ടും വാതില് തുറക്കാതായതോടെ പൂട്ട് പൊളിച്ച് അകത്തു കയറുകയായിരുന്നു. കൈ ഞരന്പുകള് മുറിഞ്ഞു രക്തം വാര്ന്നൊലിച്ച നിലയിലായിരുന്നു മൃതദേഹം.
കഴിഞ്ഞ ചിലനാളുകളായി ഫ്ളാറ്റില് തനിയെ താമസിക്കുകയായിരുന്നു സാഹ. ബന്ധുക്കള് പലതവണ വിളിച്ചിട്ടും ഫോണും എടുത്തിരുന്നില്ല. ഇതേത്തുടര്ന്ന് ഫ്ളാറ്റില് അന്വേഷിച്ച് എത്തിയപ്പോഴാണ് മൃതദേഹം കണ്ടെത്തിയത്.
ഗാര്ഫ പോലീസ് എത്തി നടപടികള് സ്വീകരിച്ചു. നടി ജീവനൊടുക്കിയത് ആകാമെന്ന നിഗമനത്തിലാണ് പോലീസ്. മൃതദേഹം പോസ്റ്റ്മോര്ട്ടം ചെയ്യാന് അയച്ചു.
പ്രതികരിക്കാൻ ഇവിടെ എഴുതുക: