കണ്ണൂര്: നോര്ത്ത് മലബാര് ചേമ്പര് ഓഫ് കൊമേഴ്സും ഇന്സ്റ്റിറ്റിയൂട്ട് ഓഫ് ചാര്ട്ടേഡ് അക്കൗണ്ടന്റ്സ് ഓഫ് ഇന്ത്യ കണ്ണൂര് ഘടകവും സംയുക്തമായി അനാലിസിസ് ഓഫ് യൂണിയന് ബജറ്റ് 2017 എന്ന പേരില് പുതിയ ബജറ്റുമായി ബന്ധപ്പെട്ട് ഒരു അവലോകന പരിപാടി സംഘടിപ്പിച്ചു.
സതേണ് ഫെഡറല് യൂണിവേഴ്സിറ്റി റഷ്യയിലെ വിസിറ്റിംഗ് പ്രൊഫസര് ഡോ.വി.പി.രാഘവന് സാമ്പത്തിക അവലോകനം നടത്തി. ചാര്ട്ടേഡ് അക്കൗണ്ടന്റുമാരായ സി.സുരേഷ്കുമാര്, യു.മോഹനന് എന്നിവര് സംസാരിച്ചു. അഞ്ച്ലക്ഷത്തില് താഴെ വരുമാനമുള്ളവര്ക്ക് അഞ്ച് ശതമാനം നികുതിയും രണ്ട് കോടിയോളം രൂപ വിറ്റുവരവുള്ള സ്ഥാപനങ്ങള്ക്ക് ആനുമാനിക നികുതി ആറ് ശതമാനവും ആക്കിയുള്ള കേന്ദ്ര സര്ക്കാരിന്റെ നികുതി പരിഷ്കാരം സ്വാഗതാര്ഹമാണെന്ന് ചേമ്പര് വിലയിരുത്തി. യോഗത്തില് ചേമ്പര് പ്രസിഡണ്ട് സി.വി.ദീപക്, സെക്രട്ടറി സച്ചിന് സൂര്യകാന്ത്, എസ്ഐആര്സി കണ്ണൂര് ചെയര്മാന് പി.മോഹനന്, ബ്രാഞ്ച് സെക്രട്ടറി കെ.കെ.വിജയന്, എന്നിവര് സംബന്ധിച്ചു.
ചാര്ട്ടേഡ് അക്കൗണ്ട്സ് ഓഫ് ഇന്ത്യ കണ്ണൂര് ബ്രാഞ്ച് ചെയര്മാന് പി.മോഹന് സ്വാഗതവും ചേമ്പര് ഓണററി സെക്രട്ടറി സച്ചിന് സൂര്യകാന്ത് നന്ദിയും പറഞ്ഞു. പി.കെ.രതീഷ് മുഖ്യാതിഥിയെ പരിചയപ്പെടുത്തി.
പ്രതികരിക്കാൻ ഇവിടെ എഴുതുക: