പുഷ്‌പോത്സവത്തിന് (പൂപ്പൊലി) ഞായറാഴ്ച സമാപനം

Friday 10 February 2017 7:45 pm IST

അമ്പലവയല്‍ : കേരള കാര്‍ഷിക സര്‍വകലാശാല അമ്പലവയല്‍ മേഖല കാര്‍ഷിക ഗവേഷണ കേന്ദ്രത്തില്‍ നടത്തുന്ന നാലാമത് പുഷ്‌പോത്സവത്തിന് (പൂപ്പൊലി) നാളെ സമാപനം. ജനുവരി 27ന് ആണ് പൂപ്പൊലി ആരംഭിച്ചത്. നാളെ നടക്കുന്ന സമാപന സമ്മേളനം ഐ.സി.ബാലകൃഷ്ണന്‍ എംഎല്‍എ ഉദ്ഘാടനം ചെയ്യും. വൈസ് ചാന്‍സലര്‍ ഡോ. പി.രാജേന്ദ്രന്‍ സ്വാഗതം ആശംസിക്കും. സി.കെ.ശശീന്ദ്രന്‍ എംഎല്‍എ മുഖ്യപ്രഭാഷണം നടത്തും. ജില്ലാപഞ്ചായത്ത് പ്രസിഡന്റ് ടി.ഉഷാകുമാരി അദ്ധ്യക്ഷത വഹിക്കും. ആര്‍എആര്‍എസ് അസോസിയേറ്റ് ഡയറക്ടര്‍ ഡോ.പി.രാജേന്ദ്രന്‍ അവലോകന റിപ്പോര്‍ട്ട് അവതരിപ്പിക്കും. ഒ.ആര്‍.കേളു എംഎല്‍എ, ലതാ ശശി, സീതാ വിജയന്‍, കറപ്പന്‍ തുടങ്ങിയവര്‍ സംസാരിക്കും.ഫെബ്രുവരി എട്ട് വരെ 84,15,314 രൂപ ആണ് പുഷ്‌പ്പോത്സവത്തിന്റെ വരുമാനം. പ്രവേശന ഫീസ് ഇനത്തില്‍ നാല്‍പ്പത്തിരണ്ടര ലക്ഷം സ്റ്റാള്‍റെന്റ്(1794253), ഐസ്‌ക്രീം(665000), ഫുഡ്‌കോര്‍ട്ട്(47 5000), അമ്യൂസ്‌മെന്റ് (450000), ഓപ്പണ്‍സ്‌പേസ് (240000), വാഹനം (53500), നഴ്‌സറി(33000), പബ്ലിസിറ്റി (8240), തൈ വില്‍പ്പന(413472), പ്രോസസിംഗ് ലാബ്(31649) എന്നിങ്ങനെയാണ് വരുമാനം. 466 ഇനം റോസ് ചെടികള്‍ വിദേശരാജ്യങ്ങളില്‍നിന്നു ഇറക്കുമതി ചെയ്തു. മേഖലാ കാര്‍ഷികഗവേഷണകേന്ദ്രത്തിലെ 1200ഓളം റോസ് ഇനങ്ങള്‍ക്കുപുറമേയാണിത്. ഏകദേശം അഞ്ച്ഏക്കറോളം വരുന്നതാണ് ഗവേഷണ കേന്ദ്രത്തിലെ സ്ഥിരം റോസ്ഗാര്‍ഡന്‍. അമ്പലവയലില്‍ കാര്‍ഷിക സര്‍വകലാശാലയുടെ കൈവശമുള്ളതില്‍ ഏകദേശം 12 ഏക്കര്‍ സ്ഥലമാണ് പുഷ്‌പോത്സവത്തിനായി ഉപയോഗപ്പെടുത്തിയത്. വിവിധ സര്‍ക്കാര്‍ വകുപ്പുകള്‍, പൊതു-സ്വകാര്യ മേഖലകളിലെ സ്ഥാപനങ്ങള്‍, ഹോര്‍ട്ടികള്‍ച്ചര്‍ മിഷന്‍, സ്വയം സഹായ സംഘങ്ങള്‍ തുടങ്ങിയവയുടെ സഹകരണത്തോടെയാണ് പുഷ്‌പോത്സവത്തിന്റെ സംഘാടനം നടന്നത്. പുഷ്‌പോത്സവത്തിന്റെ ഭാഗമായി ചന്ദ്രോദ്യാനം, സൂര്യോദ്യാനം, സ്വപ്‌നോദ്യാനം എന്നിവയും ഒരുക്കി. രണ്ടര എക്കര്‍ വിസ്തൃതിയുള്ളതായിരുന്നു ചന്ദ്രോദ്യാനം. ചീര വര്‍ഗത്തി ല്‍പ്പെട്ട സെലോഷ്യ ഉപയോഗിച്ച് സൂര്യോദയത്തിന്റെ ആകൃതിയില്‍ തീര്‍ത്തതാണ് സൂര്യോദ്യാനം. അപൂര്‍വ ഇനങ്ങളില്‍പ്പെടുന്നതടക്കം അലങ്കാരപ്പക്ഷികളുടെ ശേഖരവും കുട്ടികളുടെ ഉല്ലാസത്തിനുള്ള സംവിധാനങ്ങളും ഉള്‍പ്പെടുന്നതാണ് സ്വപ്‌നോദ്യാനം എന്നിവയുമുണ്ടായി. 2014 ഫെബ്രുവരി രണ്ട് മുതല്‍ 12വരെയായിരുന്നു ഗവേഷണകേന്ദ്രത്തില്‍ പ്രഥമ വയനാട് പുഷ്‌പോത്സവം. കാര്യമായ ഒരുക്കങ്ങളില്ലാതെസംഘടിപ്പിച്ച പുഷ്‌പോത്സവം ലാഭകരമായ സാഹചര്യത്തിലാണ് വ്യക്തമായ ആസൂത്രണത്തോടെ പൂപ്പൊലി രണ്ടാമത് പതിപ്പിന് 2015 ജനുവരിയില്‍ അമ്പലവയല്‍ വേദിയായത്. കാര്‍ഷികസര്‍വകലാശാല കണക്കുകൂട്ടിയതിനും അപ്പുറത്തായിരുന്നു രണ്ടാമത് പുഷ്‌പോത്സവത്തിന്റെ വിജയം. ജനുവരി 20മുതല്‍ ഫെബ്രുവരി രണ്ട് വരെ നടത്തിയ പുഷ്‌പോത്സവത്തിലൂടെ 90.65 ലക്ഷം രൂപയുടെ വരുമാനമാണ് സര്‍വകലാശാലയ്ക്ക് ലഭിച്ചത്. കഴിഞ്ഞതവണ 149 ലക്ഷം രൂപയായിരുന്നു വരുമാനം. ചെലവ് 68.2 ലക്ഷം രൂപയും. ഗവേഷണ കേന്ദ്രത്തിലെ 214 താത്കാലിക തൊഴിലാളികള്‍ക്ക് മൂന്നു മാസത്തെ വേതനം നല്‍കാനും പൂപ്പൊലി മൂന്നാമത് പതിപ്പിലെ വരുമാനം ഉതകിയെന്ന് അസോസിയേറ്റ് ഡയറക്ടര്‍ പറഞ്ഞു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.