അടിമാലി: കൊച്ചി-മധുര ദേശീയപാതയില് പള്ളിവാസലിനു സമീപം രണ്ടാം മൈലില് സംരക്ഷണ ഭിത്തി നിര്മ്മിക്കാത്തതിനാല് അപകട സ്ഥിതിയില്. ആനച്ചാലില് നിന്നുമുള്ള റോഡ് ദേശീയപാതയുമായി ചേരുന്ന ജംഗ്ഷന് സമീപമാണ് അപകടക്കെണി.
40 അടിയോളം ഉയരമുള്ള റോഡിന്റെ സംരക്ഷണഭിത്തി അപകട സ്ഥിതിയിലാണ്. സമീപ പ്രദേശങ്ങളില് സംരക്ഷണ വേലി നിര്മ്മിച്ചിട്ടുണ്ടെങ്കിലും അപകട സ്ഥിതി കൂടുതലായ ഈ ഭാഗം ഉപേക്ഷിച്ച നിലയിലാണ്.
ഒരു ബസിന് കഷ്ടിച്ചു മാത്രം കടന്നു പോകാനുള്ള വീതിയെ ഇവിടെയുള്ളൂ. ഇറക്കവും, കൊടുംവളവും അപകട സാധ്യത വര്ദ്ധിപ്പിയ്ക്കുന്നു. ടൂറിസ്റ്റ് സീസണാകുന്നതോടെ വാഹനങ്ങളുടെ ആധിക്യവും, അമിത വേഗതയും ഇവിടെ അപകടം ക്ഷണിച്ചു വരുത്തുന്ന സ്ഥിതിയാണ്. രാത്രി കാലങ്ങളിലും മഞ്ഞ് മൂടിയ കാലാവസ്ഥയിലും അപകടം വര്ദ്ധിക്കുവാന് ഇടയാക്കുന്നു.
പ്രതികരിക്കാൻ ഇവിടെ എഴുതുക: