ആഴ്ചഫലം - 1194 കുംഭം 12 മുതല്‍ 18 വരെ (2019 ഫെബ്രുവരി 24 മുതല്‍ മാര്‍ച്ച് 2 വരെ )

Sunday 24 February 2019 2:45 am IST
കുംഭം 12ന് രാത്രി 10.44ന് ശുക്രന്‍ മകരത്തില്‍. കുംഭം 13ന് രാവിലെ 8.56ന് ബുധന്‍ മീനത്തില്‍

2019 ഫെബ്രുവരി 24 മുതല്‍ മാര്‍ച്ച് 2 വരെ നിങ്ങളുടെ ആഴ്ചഫലം വായിക്കാം

 

മേടക്കൂര്‍



അശ്വതി, ഭരണി, കാര്‍ത്തിക ആദ്യ പാദം

ആരോഗ്യസ്ഥിതി മെച്ചം. സല്‍‌സംഗങ്ങള്‍ നിവൃത്തിമാര്‍ഗങ്ങള്‍ തെളിയിച്ചു തരും. സാമ്പത്തിക രംഗവും വിദ്യാരംഗവും വളര്‍ച്ച നേടും. കലാപരമായും മുന്നേറ്റം. അനുകൂലമായ ചില മാറ്റങ്ങള്‍ കര്‍മരംഗത്തെ പുഷ്ടമാക്കും.

 

എടവക്കൂര്‍



കാര്‍ത്തിക മുക്കാല്‍, രോഹിണി, മകീര്യം ആദ്യപാദം

ജീവിത വിജയങ്ങള്‍ക്ക് നിവൃത്തിമാര്‍ഗം തെളിയുന്നു. ഇടനേരത്തെ ഭക്ഷണങ്ങള്‍ മൂലം രോഗങ്ങള്‍ക്കിടയുണ്ട്. എന്നാല്‍ ആരോഗ്യാവസ്ഥ മെച്ചമായതിനാല്‍ എളുപ്പം തരണം ചെയ്യും. കര്‍മരംഗത്ത് അസ്വാതന്ത്ര്യം.

 

മിഥുനക്കൂര്‍

മകീര്യം അന്ത്യപാദം, തിരുവാതിര, പുണര്‍തം മുക്കാല്‍

ആരോഗ്യസ്ഥിതി മോശമാകുന്നു. ശ്രേയസിനും യശസിനും ഭംഗം നേരിടുന്നു. സാമ്പത്തിക നില മന്ദീഭവിക്കുന്നു. കര്‍മരംഗത്തും അതൃപ്തി. എന്നാല്‍ ചില ചിരകാല അഭീഷ്ടങ്ങള്‍ പൂര്‍ത്തീകരിക്കും. വീഴ്ചാസാധ്യതകളും ശ്രദ്ധിക്കുക.

കര്‍ക്കടകക്കൂര്‍

പുണര്‍തം അന്ത്യപാദം, പൂയം,ആയില്യം

ദേഹാരിഷ്ടതകളുണ്ടെങ്കിലും മനശക്തികൊണ്ട് തരണം ചെയ്യും. സന്താന അരിഷ്ടതകള്‍ക്കിടയുണ്ട്. വിദ്യാരംഗത്ത് അതൃപ്തി. കര്‍മരംഗത്ത് നല്ല വളര്‍ച്ച. ദാമ്പത്യത്തില്‍ പ്രശ്നങ്ങള്‍. നിവര്‍ത്തി മാര്‍ഗങ്ങള്‍ അടയും.

ചിങ്ങക്കൂര്‍

മകം, പൂരം, ഉത്രം ആദ്യപാദം

ശാരീരിക വീഴ്ചാസാധ്യതകള്‍ ഏറുന്നു. ഗൃഹസുഖം ഉണ്ടാകും. സന്താന അരിഷ്ടതകളുണ്ട്. ദാമ്പത്യത്തില്‍ പ്രശ്നസാധ്യത. കര്‍മരംഗത്ത് വളര്‍ച്ചയുണ്ടെങ്കിലും അതൃപ്തി. ഭാഗ്യാഗമനത്തിന്റെ സാധ്യതകളുണ്ട്. ഉപാസന ബലപ്പെടുത്തുക.

 

കന്നിക്കൂര്‍

ഉത്രം മുക്കാല്‍, അത്തം, ചിത്തിര ആദ്യപാദം

ആരോഗ്യം കൂടുതല്‍ മോശമാകുന്നു. ഗൃഹസുഖവും വാഹനസുഖവും ഉണ്ടാകുന്നു. സന്താന അരിഷ്ടതകള്‍ ഏറുന്നു. കര്‍മരംഗത്ത് പാളിച്ചകളേറെ. വിദ്യാഭ്യാസത്തിലും കലാരംഗത്തും പുരോഗതി. ഉപാസനകളും ധാര്‍മിക പ്രവര്‍ത്തനങ്ങളും അനുകൂലം.

തുലാക്കൂര്‍

ചിത്തിര അന്ത്യപകുതി, ചോതി, വിശാഖം മുക്കാല്‍

തൊട്ടതെല്ലാം പൊന്നാക്കും എന്നു പറയും പോലെ എല്ലാ രംഗത്തും വളര്‍ച്ച. കമിഴ്ന്നു വീണാല്‍ കാപ്പണം എന്നതുപോലെ മുന്നേറ്റം. വിദ്യാഭ്യാസ പുരോഗതി. കലാപരമായ വളര്‍ച്ച. ഉപാസനാ ശക്തി കുറയുന്നു. പൂര്‍ണതൃപ്തിയില്ലെങ്കിലും അഭീഷ്ടാഗമം.

വൃശ്ചികക്കൂര്‍

വിശാഖം അന്ത്യപാദം, അനിഴം, തൃക്കേട്ട

മെച്ചപ്പെട്ട ആരോഗ്യം. ശ്രേയസും യശസും വര്‍ദ്ധിക്കും. വിദ്യാഭ്യാസത്തിലെ മാന്ദ്യം സാമ്പ്രദായിക രീതിയില്‍ മാത്രം. കലാപരമായും സാങ്കേതികമായും മുന്നേറ്റം. ഉപാസനയില്‍ കുറവ്. കര്‍മരംഗത്ത് അതൃപ്തി. അഭീഷ്ടാഗമങ്ങള്‍ക്ക് തടസം.

ധനുക്കൂര്‍

മൂലം, പൂരാടം, ഉത്രാടം ആദ്യപാദം

വില്‍പ്പന കാര്യങ്ങളില്‍ വിജയിക്കും. വിദ്യാഭ്യാസത്തില്‍ വിജയം നേടിയെടുക്കും. ഗൃഹത്തിലെ സുഖം കുറയും. ഭക്ഷ്യവിഷദോഷങ്ങള്‍ക്ക് സാധ്യത. സാമ്പത്തികമായി ഉയര്‍ന്ന നേട്ടങ്ങള്‍ക്ക് അനുകൂലം. കൂടുതല്‍ ധനാഗമങ്ങള്‍ക്ക് മാര്‍ഗം തെളിയും.

മകരക്കൂര്‍

ഉത്രാടം മുക്കാല്‍, തിരുവോണം, അവിട്ടം ആദ്യപകുതി

ദേഹാസ്വാസ്ഥ്യങ്ങള്‍ കൂടും. സാമ്പത്തികമായ നേട്ടങ്ങള്‍ക്ക് സാധ്യത. ഗൃഹസുഖം ഉണ്ടാകും. വാഹനഗുണം ലഭിക്കും. ഭൂമി കാര്യങ്ങളില്‍ വിജയം നേടും. ദാമ്പത്യത്തില്‍ പ്രശ്നങ്ങള്‍ക്കിട. തൊഴില്‍‌രംഗത്ത് അനുകൂല മാറ്റങ്ങള്‍ക്ക് സാധ്യത.

കുംഭക്കൂര്‍

അവിട്ടം അന്ത്യപകുതി, ചതയം, പൂരൂരുട്ടാതി മുക്കാല്‍

കര്‍മരംഗത്ത് നല്ല വിജയം. ശാരീരിക വീഴ്ചകളും അംഗവൈകല്യങ്ങളും കരുതിയിരിക്കുക. ഭൂമി കാര്യങ്ങളില്‍ വിജയിക്കും. തൊലിപ്പുറത്തുള്ള രോഗങ്ങള്‍ക്ക് സാധ്യത. ഉപാസനകളില്‍ മുടക്കുവരുത്തുന്നത് ഭാഗ്യതടസമുണ്ടാക്കും.

മീനക്കൂര്‍

പൂരൂരുട്ടാതി അന്ത്യപാദം, ഉത്രട്ടാതി, രേവതി

തുടങ്ങിവച്ച കാര്യങ്ങള്‍ മുന്നോട്ടുകൊണ്ടുപോകും. സാമ്പത്തികമായി നല്ല വളര്‍ച്ച. ഗുരുക്കന്മാരുടെ താപത്തിന് സാധ്യതകളുണ്ട്. സന്താന കാര്യങ്ങളിലും അരിഷ്ടത. കര്‍മരംഗത്ത് മാന്ദ്യമുണ്ടെങ്കിലും വിജയം.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.