ചേര്ത്തല: താലൂക്ക് ആശുപത്രിയുടെ ദേശീയ അംഗീകാരം നഷ്ടപ്പെടാന് ഇടയായത് നഗരസഭ അധികൃതരുടെ അനാസ്ഥ മൂലമാണെന്ന് ആരോപിച്ച് ബിജെപി പ്രക്ഷോഭത്തിലേക്ക്. സമരപരിപാടികളുടെ തുടക്കമായി കൗണ്സിലര് ഡി. ജ്യോതിഷ് ആശുപത്രിക്ക് മുന്നില് കുത്തിയിരുന്ന് പ്രതിഷേധിക്കും. നഗരഭഭരണ നേതൃത്വവും ആശുപത്രി അധികാരികളും തമ്മിലുള്ള ചേരിപ്പോരാണ് എന്എബിഎച്ചിന്റെ അംഗീകാരം നഷ്ടപ്പെടുന്നതിന് വഴിവെച്ചതെന്ന് നിയോജകമണ്ഡലം കമ്മിറ്റി യോഗം ആരോപിച്ചു. ആയിരക്കണക്കിന് രോഗികള് പ്രതിദിനം ചികിത്സ തേടിയെത്തുന്ന ആശുപത്രി റഫറല് കേന്ദ്രമാക്കി മാറ്റുന്ന ഡോക്ടര്മാരെ നിലയ്ക്കു നിര്ത്താനും അടിസ്ഥാന സൗകര്യങ്ങളൊരുക്കാനും അടിയന്തര നടപടി സ്വീകരിക്കണമെന്ന് യോഗം ആവശ്യപ്പെട്ടു. പ്രസിഡന്റ് സാനു സുധീന്ദ്രന് അദ്ധ്യക്ഷനായി. മണ്ഡലം ജനറല് സെക്രട്ടറിമാരായ അരുണ്. കെ. പണിക്കര്, എം. എസ്. ഗോപാലകൃഷ്ണന് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: