മുഹമ്മ: മീന്വില്പ്പനയുടെ മറവില് കഞ്ചാവു വില്പ്പന നടത്തിയ കേസില് അറസ്റ്റിലായ അച്ഛനേയും മകനേയും റിമാന്റ് ചെയ്തു. മണ്ണഞ്ചേരി പഞ്ചായത്ത് 15-ാം വാര്ഡ് കലവൂര് എ എസ് കനാലിന് സമീപം തോട്ടുചിറയില് സുരേന്ദ്രന്(65),മകന് ബിപിന്(32)എന്നിവരെയാണ് മണ്ണഞ്ചേരി അംബേദ്ക്കര് ജംഗ്ഷന് സമീപത്ത് നിന്ന് പൊലീസ് പിടികൂടയിത്.
ചേര്ത്തലയില് നിന്നും പെട്ടി ഓട്ടോയില് കഞ്ചാവുമായി വരുമ്പോഴാണ് രഹസ്യ വിവരത്തെ തുടര്ന്ന് എസ് ഐ ജോര്ജ്കുട്ടിയുടെ നേതൃത്വത്തിലുള്ള പൊലീസ് സംഘം ഇവരെ കസ്റ്റഡിയിലെടുത്തത്. സീറ്റിനടിയില് ഒളിപ്പിച്ച് വെച്ചിരുന്ന 200 ഗ്രാം കഞ്ചാവും ചെറിയ പ്ലാസ്റ്റിക് പാക്കറ്റുകളില് 12 ഗ്രാം വീതമുള്ള പൊതികളും 6200 രൂപയും കണ്ടെടുത്തു.
മീന് വില്പ്പനയുടെ മറവില് തീരദേശ പ്രദേശങ്ങളിലാണ് ഇവര് കൂടുതലായും കഞ്ചാവ് വിറ്റഴിക്കുന്നത്. സ്കൂളുകള് കേന്ദ്രീകരിച്ചുള്ള വില്പ്പനയുമുണ്ട്.
ഇവരുടെ കീഴില് നിരവധി ചില്ലറ വില്പ്പനക്കാരാണ് സ്കൂള്,കോളേജ് വിദ്യാര്ഥികള്ക്ക് കഞ്ചാവ് എത്തിച്ച് കൊടുക്കുന്നത്. കഞ്ചാവ് വില്പ്പനയുമായി ബന്ധപ്പെട്ട് ഇതിന് മുമ്പ് പലതവണ സുരേന്ദ്രനെ അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: