ചാലക്കുടി: ചാലക്കുടി സൗത്ത് ജംഗ്ഷനില് പ്രവര്ത്തിച്ചിരുന്ന ബീവറേജ്സിന്റെ മദ്യ വില്പ്പന ശാല പടിഞ്ഞാറെ ചാലക്കുടിയിലേക്ക് മാറ്റി സ്ഥാപിക്കുവാനുള്ള നീക്കത്തിനെതിരെ ബിജെപി നടത്തി വരുന്ന അനിശ്ചിത കാല റിലേ നിരാഹാര സമരം അഞ്ചാം ദിവസത്തിലേക്ക്. സമരത്തെ അട്ടിമറിക്കുവാന് നവമാധ്യമങ്ങളിലൂടെ തെറ്റായ സന്ദേശം നല്ക്കുന്നത് വ്യാപകമായിരിക്കുകയാണ്. ഇപ്പോള് സൗത്ത് ജംഗ്ഷന് സമീപത്തായി പ്രവര്ത്തിക്കുന്ന ബീവറേജ്സ് ഔട്ട്ലെറ്റ് പടിഞ്ഞാറെ ചാലക്കുടിയിലേക്ക് മാറ്റി പ്രവര്ത്തനം ആരംഭിച്ചതായിട്ടാണ് പ്രചരണം നടന്നു വരുന്നത്. ഇത്തരത്തിലുള്ള വ്യാജ പ്രചരണങ്ങള് നടത്തുന്നതിന് പിന്നില് ദുരൂഹതയുണ്ടെന്ന് ബിജെപി ആരോപിച്ചു.
അനിശ്ചിത കാല റിലേ നിരാഹാര സമരം എസ്എന്ഡിപി യൂണിയന് സെക്രട്ടറി കെ.എ.ഉണ്ണികൃഷ്ണന് ഉദ്ഘാടനം ചെയ്തു. ബൂത്ത് പ്രസിഡന്റ് വി.കെ.ബിജുവാണ് നിരാഹാരം അനുഷ്ഠിക്കുന്നത്. ബിജെപി മണ്ഡലം ട്രഷര് കെ.എസ്.ശ്രീകുമാര് അദ്ധ്യക്ഷത വഹിച്ച യോഗത്തില് ബിഡിജെഎസ് മണ്ഡലം പ്രസിഡന്റ് എം.കെ.സുനില്,ആര്എസ്എസ് ഖണ്ഡ് കാര്യവാഹ് പി.വി.സുകേഷ്, എസ്എന്ഡിപി ശാഖ പ്രസിഡന്റ് വേണു അനിരുദ്ധന്, വി.ആര്.രാജേഷ്, എ.എം.ചന്ദ്രശേഖരന്, എം.എസ്.രഞ്ജിത്, എം.എസ്.സുദര്ശനന്,ടി.കെ.കൃഷ്ണകുമാര്, കെ.എന്.സുരേഷ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: