നാവായിക്കുളം: നാവായിക്കുളം ഗ്രാമപഞ്ചായത്തിലെ 28-ാം മൈല് കേന്ദ്രീകരിച്ച് മതപരിവര്ത്തനം വ്യാപകം ആകുന്നു. ഹിന്ദുമത വിശ്വാസികള് താമസിക്കുന്ന കോളനികളില് പണവും ചികിത്സയും വാഗ്ദാനം ചെയ്താണ് മതപരിവര്ത്തനം. 28-ാം മൈല് കേന്ദ്രീകരിച്ച് അനധികൃത പലിശയ്ക്ക് പണം നല്കുന്ന ഒരു സ്ത്രീയാണ് ഈ പ്രവര്ത്തനത്തിന്റെ ചുക്കാന് പിടിക്കുന്നത്. സ്ത്രീകളെയാണ് കൂടുതലായി ഇവര് സമീപിക്കുന്നത്. ഭര്ത്താവ് മരിച്ചതും പ്രായം ആയവനും ആയ സ്ത്രീകളെ സമീപിച്ച് അവര്ക്ക് വേണ്ട സാമ്പത്തിക സഹായം ചെയ്താണ് ഇത്തരം മതപരിവര്ത്തനം നടത്തുന്നത്. കഴിഞ്ഞദിവസം തൊഴിലുറപ്പ് ജോലിക്ക് പോകുന്ന സ്ത്രീകളെ മീറ്റിംഗ് എന്നപേരില് വിളിച്ച് വരുത്തി പ്രാര്ത്ഥനയില് പങ്കെടുപ്പിക്കുവാനുള്ള ശ്രമം നാട്ടുകാരുടെ ശക്തമായ എതിര്പ്പിനെ തുടര്ന്ന് അവസാനിപ്പിച്ചിരുന്നു. ഹിന്ദുമതവിശ്വാസികള് ധാരാളമായി താമസിക്കുന്ന ഈ മേഖലയില് സംഘര്ഷം ഉണ്ടാക്കുവാനുള്ള ശ്രമവും നടക്കുന്നു. കുറച്ച് നാളുകള്ക്ക് മുന്പ് ഒരു സ്ത്രീയും കുട്ടിയും ലഘുരേഖകളുമായി വന്ന് വീടുകള് കയറി ഇറങ്ങി വിതരണം ചെയ്യുവാനുള്ള ശ്രമം നാട്ടുകാര് തടഞ്ഞിരുന്നു. നാവായിക്കുളം പഞ്ചായത്തിന്റെ വിവിധ മേഖലകളില് ഇത്തരം പരിപാടികള് നടത്തുവാനുള്ള ശ്രമം നടക്കുന്നുണ്ട്. നാവായിക്കുളം അമ്മന്കോവില് ക്ഷേത്രത്തിന് സമീപം സ്വകാര്യ സ്ഥാപനം നടത്തുന്ന ഒരു വ്യക്തിയാണ് ഈ പ്രവര്ത്തനങ്ങളുടെ പഞ്ചായത്ത്തല ഏകീകരണം നടത്തുന്നത്.
പ്രതികരിക്കാൻ ഇവിടെ എഴുതുക: