തൃക്കൊടിത്താനം: തൃക്കൊടിത്താനം ഗ്രാമപഞ്ചായത്ത് നാലാം വാര്ഡിലെ വനിതാ സാംസ്കാരികകേന്ദ്രം മാലിന്യ സംഭരണ കേന്ദ്രമാകുന്നതില് പ്രതിഷേധം ശക്തമാകുന്നു. ഒളശ്ശ കോളനിയിലും മാലിന്യം കൂട്ടിയിട്ടിരിക്കുന്നത് ജനങ്ങള്ക്ക് ഏറെ ബുദ്ധിമുട്ടുണ്ടാക്കുന്നുണ്ട്. ഹരിതകേരളം പദ്ധതിയുടെ ഭാഗമായി പഞ്ചായത്തിലെ വിവിധ വാര്ഡുകളില്നിന്നായി രാഷ്ട്രീയ പാര്ട്ടികളുടെയും സാമൂഹ്യ സാംസ്കാരിക സംഘടനകളുടെയും, എ.ഡി.എസ്, സി.ഡി.എസ്, കുടുംബശ്രീപ്രവര്ത്തകരുടെയും ആഭിമുഖ്യത്തില് നടന്ന സംഭരിച്ച പ്ലാസ്റ്റിക് മാലിന്യം പഞ്ചായത്തിലെ ചെമ്പുംപുറം ഭാഗത്തും മാസങ്ങളായി കൂട്ടിയിട്ടിരിക്കുകയാണ്. മാലിന്യം നീക്കം ചെയ്യുന്നതിനെക്കുറിച്ച് പലതവണ അധികതരുടെ ശ്രദ്ധയില്പ്പെടുത്തിയിട്ടും ഇത് നീക്കം ചെയ്യുന്നതിന് യാതൊരുവിധ നടപടികളും സ്വീകരിക്കാത്തത് ഈ പ്രദേശത്തെ ജനങ്ങളോടുള്ള വെല്ലുവിളിയാണെന്ന് ബിജെപി പഞ്ചായത്ത് കമ്മിറ്റി ആരോപിച്ചു.
ജനങ്ങളുടെ ആരോഗ്യപ്രശ്നങ്ങള്ക്ക് കാരണമാകുന്ന ഈ മാലിന്യങ്ങള് നീക്കം ചെയ്യുന്നതിനുവേണ്ട നടപടികള് പഞ്ചായത്ത് അധികൃതര് സ്വീകരിക്കണമെന്ന് ബിജെപി ആവശ്യപ്പെട്ടു. യോഗത്തില് പഞ്ചായത്ത് പ്രസിഡന്റ് എം. വിനോദ്കുമാര്, സുനില്കുമാര്. ഒ.റ്റി, സുനില്. കെ.കെ, ജിഷ്ണു, അജേഷ്. ഒ.ജി, സനീഷ്, ശശി.കെ.കെ, സനില്, ജോജോ തോമസ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: