കൊച്ചി: അണ്ടര് 23 അന്തര് സംസ്ഥാന വനിത ഏകദിന ക്രിക്കറ്റില് കേരളം റണ്ണര് അപ്പ്. അവസാന മത്സരത്തില് തമിഴ്നാടിനെ പരാജയപ്പെടുത്തിയതോടെയാണ് കേരളം റണ്ണേഴ്സായത്. 5 മത്സരങ്ങളില് നിന്ന് 3 വിജയം നേടിയ കേരളത്തിന് 12 പോയിന്റ് ലഭിച്ചു. ആന്ധ്രയാണ് പോയിന്റു നിലയില് ഒന്നാമത്. 20 പോയിന്റ്. തമിഴ്നാടിനും 12 പോയിന്റുകളുണ്ടെങ്കിലും മികച്ച റണ്റേറ്റ് കേരളത്തിനു തുണയായി.
ഇന്നലെ ആലപ്പുഴ എസ്ഡി കോളേജ് ഗ്രൗണ്ടില് നടന്ന അവസാന മത്സരത്തില് 113 റണ്സിനാണ് കേരള വനിതകള് ജയം കണ്ടത്. ടോസ് നേടി ബാറ്റിംഗ് തെരഞ്ഞെടുത്ത കേരളം നിശ്ചിത 50 ഓവറില് 6 വിക്കറ്റ് നഷ്ടത്തില് 205 റണ്സെടുത്തു. ക്യാപ്റ്റന് സജ്നയുടെ സെഞ്ച്വറിയാണ് കേരള ഇന്നിങ്ങ്സിന്റെ സവിശേഷത. സജ്ന പുറത്താകാതെ 99 പന്തില് 120 റണ്സെടുത്തു. മറുപടി ബാറ്റിങിനിറങ്ങിയ തമിഴ്നാട് 38.4 ഓവറില് 92 റണ്സിന് ഓള് ഔട്ടായി. അനീന മാത്യൂസ് 30 റണ്സ് വഴങ്ങി 5 വിക്കറ്റുകള് വീഴ്ത്തി. സജ്ന, അക്ഷയ എന്നിവര് 2 വീതം വിക്കറ്റുകള് നേടി. മറ്റു രണ്ടു മത്സരങ്ങളില് കര്ണ്ണാടക 8 വിക്കറ്റിന് ഗോവയെയും ആന്ധ്ര 6 വിക്കറ്റിന് ഹൈദരാബാദിനെയും തോല്പ്പിച്ചു.
പ്രതികരിക്കാൻ ഇവിടെ എഴുതുക: