ഇരിട്ടി: കീഴ്പള്ളി പാലരിഞ്ഞാല് മഹാദേവക്ഷേത്രത്തിലെ ശിവരാത്രി മഹോത്സവം 18മുതല് 24 വരെ വിവിധ പരിപാടികളോടെ ആഘോഷിക്കുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. 18 ന് രാവിലെ അഷ്ടദ്രവ്യ ഗണപതിഹോമം ഹോമം, വൈകുന്നരം 4ന് കലവറ നിറക്കല് ഘോഷയാത്ര, 6ന് നമപ്രദക്ഷിണം, ചുറ്റുവിളക്ക്, നിറമാല എന്നിവ നടക്കും. 19ന് വിദ്യാഗോപാല പൂജ, 10മണിക്ക് ആറളം മേഖലാ ക്ഷേത്ര കോഡിനേഷന് കമ്മിറ്റി സംഗമം, രാത്രി 7ന് തിരുവാതിരക്കളി, 20ന് രാത്രി 7ന് ഡോ. പുനലൂര് പ്രഭാരന്റെ ആദ്ധ്യാത്മിക പ്രഭാഷണം, 8ന് കമലാ ജനാര്ദ്ദനന്റെ കഥാപ്രസംഗം, 21ന് രാത്രി 7ന് മുത്തപ്പന് വനിതാ സംഘത്തിന്റെ വാദ്യമേളം, 22ന് രാത്രി 7 മണിക്ക് സര്വൈശ്വര്യ പൂജ, 23ന് രാത്രി 7ന് വൃക്ഷരാജ പൂജ എന്നിവ നടക്കും. ശിവരാത്രി ദിവസമായ 24ന് വൈകുന്നേരം 5 മണിക്ക് താലപ്പൊലി ഘോഷയാത്രയും രാത്രി 7.30ന് സാംസ്കാരിക സമ്മേളനവും നടക്കും. ക്ഷേത്രം പ്രസിഡന്റ് കെ.എന്. സോമന് അദ്ധ്യക്ഷത വഹിക്കുന്ന സമ്മേളനം സിനിമാതാരം സന്തോഷ് കെ. നായര് ഉദ്ഘാടനം ചെയ്യും. സിനിമാ നിര്മ്മാതാവ് എം.കെ.സോമന് മുഖ്യഭാഷണം നടത്തും. ആറളം എസ്ഐ ടി.എസ്.ശ്രീജിത്ത്, എന്എസ്എസ് തലശ്ശേരി താലൂക്ക് പ്രസിഡന്റ് എന്. ബി.ഉദയഭാനു തുടങ്ങിയവര് പ്രസംഗിക്കും. വാര്ത്താ സമ്മേളനത്തില് ഭാരവാഹികളായ വത്സന് അത്തിക്കല്, കെ.എന്.സോമന്, ഗോവിന്ദന് നരിക്കോടന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: