തിരുവനന്തപുരം: കൈമനം അമൃതാനന്ദമയി മഠത്തില് ശിവരാത്രി ദിവസം രാവിലെ 10 ന് സെമിനാര് നടക്കും. ജീവിതശൈലീരോഗങ്ങളില് നിന്നുള്ള മോചനത്തിനായി മഷിത്തണ്ട്, വെള്ളില, പ്ലാവില, വാഴയില, കറുക, മുത്തങ്ങ, ചേമ്പില, ചെമ്പരത്തിയില തുടങ്ങി പാഴ്ചെടികളെന്ന് പറഞ്ഞ് ഉപേക്ഷിക്കുന്ന സസ്യങ്ങള് ഉപയോഗിച്ച് ചെലവില്ലാത്തതും ഔഷധഗുണങ്ങള് നിറഞ്ഞതുമായ ഭക്ഷ്യവിഭവങ്ങള് എങ്ങനെ തയ്യാറാക്കാമെന്നതിനെ കുറിച്ച് ഡോ. സജീവ് കുമാര് (പൊന്നാനി) നയിക്കുന്ന സെമിനാറും അപ്രകാരം തയ്യാറാക്കിയ 25 വിഭവങ്ങളോട് കൂടിയ ഉച്ചഭക്ഷണവും ഉണ്ടായിരിക്കുമെന്ന് മഠം അറിയിച്ചു. സെമിനാറിന് പേര് രജിസ്റ്റര് ചെയ്യാന് അന്നം ഔഷധം എന്ന് സ്വന്തം പേരുകൂടി ചേര്ത്ത് 7736221330 എന്ന നമ്പറിലേക്ക് എസ്എംഎസ് അയയ്ക്കുക.
വൈകിട്ട് 6.30ന് ദൃശ്യമാദ്ധ്യമങ്ങളിലൂടെ പുറത്തു വന്നിട്ടില്ലാത്ത കൈലാസമാനസസരോവര് യാത്രയുടെ വീഡിയോ ദൃശ്യങ്ങളും അവിസ്മരണീയമായ അതീന്ദ്രിയ അനുഭവങ്ങളും യാത്രാവിവരണവും അവതരിപ്പിക്കും. മാതാ അമൃതാനന്ദമയി ഏകശിലയില് നാല് മൂര്ത്തികളായി ശിവകുടുംബത്തെ പ്രതിഷ്ഠിച്ചിട്ടുള്ള ദക്ഷിണകേരളത്തിലെ ഏകക്ഷേത്രമായ ബ്രഹ്മസ്ഥാനത്ത് രജതജൂബിലി ആഘോഷങ്ങളുടെ ഭാഗമായി പ്രതിഷ്ഠാദിനമായ 16 മുതല് 24 വരെ ദിവസവും രാവിലെ ഏഴിനും വൈകിട്ട് അഞ്ചരയ്ക്കും സമൂഹ ലളിതാസഹസ്രനാമാര്ച്ചന ഉണ്ടായിരിക്കും. 16 മുതല് ഓരോ ദിവസമായി വൈകിട്ട് 6.30ന് സുദര്ശനഹോമം, കാളീപൂജ, ശനിപൂജയും ഹോമവും, മൃത്യുഞ്ജയഹോമം, ശിവശക്തിഹോമം, കുജപൂജയും ഹോമവും, സരസ്വതീപൂജ, ധന്വന്തരിഹോമം എന്നിവയും 18ന് രാവിലെ 7ന് രാഹുപൂജയും 21ന് രാവിലെ 7 ന് മഹാലക്ഷ്മീപൂജയും ഉണ്ടായിരിക്കും. ശിവരാത്രിദിവസം രാവിലെ 7ന് നവഗ്രഹഹോമവും വൈകിട്ട് 6.30ന് മൃത്യുഞ്ജയ ഹോമവും അര്ദ്ധരാത്രിക്ക് ശ്രീരുദ്രാഭിഷേകവും നടക്കും.
പ്രതികരിക്കാൻ ഇവിടെ എഴുതുക: