നന്തിക്കര: സ്കൂള് പരിസരത്തുനിന്ന് 140 ഗ്രാം കഞ്ചാവുമായി മൂന്ന് പേരെ പുതുക്കാട് പോലീസ് പിടികൂടി. കോടശ്ശേരി മേച്ചിറ ചെമ്പകശ്ശേരി വീട്ടില് സൂരജ് (24), മുരിയാട് ആനക്കല്ലില് അനിഷേദ് (20), നന്തിക്കര ഇറ്റപ്പിരിപ്പറമ്പില് വൈഷ്ണവ് (21) എന്നിവരാണ് പിടിയിലായത്. വ്യാഴാഴ്ച വൈകീട്ട് നാല് മണിയോടെയാണ് ഇവരെ പിടികൂടിയത്.മൂന്ന് പൊതികളിലാക്കി കൊണ്ടുവന്ന കഞ്ചാവ് വിദ്യാര്ത്ഥികള്ക്ക് വില്പന നടത്തുന്നതിനാണെന്ന് സംശയിക്കുന്നു.ഇവര് സഞ്ചരിച്ചിരുന്ന ഓട്ടോറിക്ഷയും പോലീസ് കസ്റ്റഡിയിലെടുത്തു.പ്രതികളെ പോലീസ് കൂടുതല് ചോദ്യം ചെയ്തു വരികയാണ്.എസ്ഐ വി.സജീഷ്കുമാര്, പോലീസുകരായ സുനില് കുമാര്, അജി, സജീവന്, ദേവേഷ്, രജനീശന് എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്.പ്രതികളെ വെള്ളിയാഴ്ച കോടതിയില് ഹാജരാക്കും.
പ്രതികരിക്കാൻ ഇവിടെ എഴുതുക: