ആലുവ: ശിവരാത്രി മണപ്പുറത്ത് ദേവസ്വത്തിന്റെ ബലിത്തറകളില് ബലിയിടുന്നവര്ക്കു വേണ്ടി ദേവസ്വം ബോര്ഡിന്റെ കീഴിലുളള വിവിധ ക്ഷേത്രങ്ങളില് നിന്ന് പ്രത്യേക കൂപ്പണുകള് വിതരണം ചെയ്യും. 20 മുതലാണ് കൂപ്പണുകള് വിതരണം ചെയ്യുകയെന്ന് ദേവസ്വം ബോര്ഡംഗം അജയ്തറയില് പറഞ്ഞു. അന്പത് രൂപ നിരക്കിലായിരിക്കും കൂപ്പണുകള്. ഈ കൂപ്പണ് കാണിച്ചാല് മണപ്പുറത്ത് പണം നല്കാതെ ബലിയര്പ്പിക്കുവാന് കഴിയും. പുരോഹിതന്മാര് തങ്ങള്ക്ക് ലഭിച്ച കൂപ്പണുകള് മണപ്പുറത്തെ ദേവസ്വം ഓഫീസിലേക്ക് കൈമാറുന്ന മുറയ്ക്ക് അവര്ക്ക് തുക നല്കുകയും ചെയ്യും. ശിവരാത്രിക്ക് ശേഷവും ഇവിടെ ദേവസ്വം ബോര്ഡിന്റെ സ്ഥിരം ബലിത്തറകള് തുടരുമെന്നും അദ്ദേഹം പറഞ്ഞു.
ഇക്കുറി ദേവസ്വം ബോര്ഡിന്റെ ബലിത്തറകളിലായി ഒരേ സമയം അറുന്നൂറിലേറെ പേര്ക്ക് ബലിതര്പ്പണം നടത്തുവാന് കഴിയും. ഇതുകൂടാതെ വിവിധ പുരോഹിതന്മാര്ക്കായി 189 ബലിതറകള് വേറെയും ലേലം ചെയ്ത് കൊടുക്കും. ദേവസ്വംബോര്ഡിന്റെ സ്ഥലത്ത് വിവിധ കച്ചവടസ്ഥാപനങ്ങള് വ്യാഴാഴ്ച ലേലം ചെയ്ത് നല്കി.
പ്രതികരിക്കാൻ ഇവിടെ എഴുതുക: