ന്യൂദല്ഹി: പാര്ലമെന്റിലും സര്ക്കാര് ഓഫീസുകളിലും ദേശീയഗാനം നിര്ബന്ധമാക്കണമെന്ന ഹര്ജി സുപ്രീംകോടതി തള്ളി. ദേശീയഗാനത്തിനും വന്ദേമാതരത്തിനും ഒരേ പരിഗണന നല്കാനാവില്ലെന്നും കോടതി പറഞ്ഞു.
അഡ്വ.അശ്വിനി ഉപാധ്യായയാണ് പാര്ലമെന്റിലും സര്ക്കാര് ഓഫീസുകളിലും ദേശീയ ഗാനം നിര്ബന്ധമാക്കണമെന്നും വന്ദേമാതരത്തിനും ദേശീയഗാനത്തിനും തുല്യപരിഗണന നല്കണമെന്നാവശ്യപ്പെട്ട് കോടതിയ സമീപിച്ചത്. .
തിയേറ്ററില് സിനിമയ്ക്ക് മുന്പ് ദേശീയ ഗാനം കേള്പ്പിക്കണമെന്നും അതിന് എല്ലാവരും എഴുന്നേറ്റു നില്ക്കണമെന്നും നിര്ബന്ധമാക്കി കൊണ്ടുള്ള ഉത്തരവ് പുറത്തു വന്ന സാഹചര്യത്തില് കോടതി മുറികളിലും ദേശീയഗാനം നിര്ബന്ധമാക്കണമെന്ന ആവശ്യവും ഉയര്ന്നിരുന്നു.
എന്നാല് സിനിമയുടെ ഭാഗമായി ചിത്രീകരിച്ച ദേശീയഗാനം കേള്ക്കുമ്പോള് ഏഴുന്നേറ്റ് നില്ക്കേണ്ട ആവശ്യമില്ലെന്ന് കഴിഞ്ഞദിവസം സുപ്രീംകോടതി വ്യക്തമാക്കിയിരുന്നു. ഉത്തരവില് വ്യക്തത ആവശ്യപ്പെട്ടുള്ള ഹര്ജിയിലായിരുന്നു കോടതിയുടെ ഈ നിര്ദേശം.
പ്രതികരിക്കാൻ ഇവിടെ എഴുതുക: