തിരുവനന്തപുരം: ആറ്റിപ്ര കല്ലിംഗലില് ബിവറേജ് മദ്യവില്പ്പന ശാലയ്ക്ക് അനുമതി നല്കില്ലെന്ന് മേയര് വി.കെ. പ്രശാന്ത് കൗണ്സില് യോഗത്തില് അറിയിച്ചു. ആറ്റിപ്ര വാര്ഡ് കൗണ്സിലര് സുനിചന്ദ്രന് അവതരിപ്പിച്ച പ്രമേയത്തിന് മറുപടി പറയുകയായിരുന്നു മേയര്. മദ്യവില്പ്പനശാല നിര്ത്തണമെന്ന് നഗരസഭ നോട്ടീസ് നല്കിയിട്ടുണ്ട്. മദ്യശാലയ്ക്ക് അനുമതി നല്കിക്കൊണ്ടുള്ള നടപടി നഗരസഭയുടെ ഭാഗത്തുനിന്നുണ്ടാകില്ലെന്നും മേയര് പറഞ്ഞു. മദ്യശാലയ്ക്കെതിരെ പ്രദേശവാസികള് സമരം നടത്തുന്ന പന്തല് മേയര് സന്ദര്ശിക്കാത്തതിനെതിരെ അംഗങ്ങള് പ്രതിഷേധിച്ചു.
മദ്യശാലക്കയ്ക്കെതിരെ ആക്ഷന് കൗണ്സിലിന്റെ നേതൃത്വത്തില് നഗരസഭയിലേക്ക് പ്രതിഷേധ മാര്ച്ച് നടത്തി. കഴിഞ്ഞ 15 ദിവസമായി സമരം ചെയ്തിട്ടും മേയര് വ്യക്തമായ തീരുമാനം എടുക്കാത്തതിനെ തുടര്ന്നാണ് സ്ത്രീകള് ഉള്പ്പെടുന്ന സംഘം പ്രതിഷേധവുമായി എത്തിയത്. നഗരസഭാ കവാടത്തില് നടന്ന പ്രതിഷേധ മാര്ച്ച് വാര്ഡ് കൗണ്സിലര് സുനിചന്ദ്രന് ഉദ്ഘാടനം ചെയ്തു. കരകുളം കൃഷ്ണപിള്ള, വി.എസ്. ഹരീന്ദ്രനാഥ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: