യുവതിയുടെ മരണം : ഭര്‍തൃപിതാവും അറസ്റ്റില്‍

Sunday 19 February 2017 12:06 am IST

ശ്രീകണ്ഠപുരം: യുവതിയുടെ മരണവുമായി ബന്ധപ്പെട്ട് ഭര്‍തൃ പിതാവും അറസ്റ്റിലായി. പൈസക്കരി ദേവമാതാ കോളേജ് വിദ്യാര്‍ത്ഥിനിയും നെടുവാലൂരിലെ പുത്തന്‍പുരക്കല്‍ ഷൈജു-ആനി ദമ്പതികളുടെ മകളുമായ ആന്‍മരിയ (19)യുടെ മരണവുമായി ബന്ധപ്പെട്ടാണ് ഭര്‍ത്താവ് പൂപ്പറമ്പ് സ്വദേശി പള്ളിയില്‍ സോബിന്റെ പിതാവ് ആന്റണി (58) അറസ്റ്റിലായത്. സംഭവുമായി ബന്ധപ്പെട്ട് സോബിന്‍ (28), ഇയാളുടെ മാതാവ് മേരി എന്നിവരെ കഴിഞ്ഞ ദിവസം പോലീസ് അറസ്റ്റുചെയ്തിരുന്നു. ഭര്‍ത്താവിന്റെയും മാതാപിതാക്കളുടെയും പീഡനം സഹിക്കാതെയാണ് യുവതി മരിച്ചതെന്നാണ് പോലീസ് കണ്ടെത്തിയിരിക്കുന്നത്. ഡിവൈഎസ്പി കെ.വി.വേണുഗോപാലിന്റെ നേതൃത്വത്തിലുള്ളപോലീസ് സംഘമാണ് കേസ് അന്വേഷിക്കുന്നത്. അറസ്റ്റിലായ മൂന്ന്‌പേരും റിമാന്റിലാണ്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.