കോട്ടയം: ഇപിഎഫ് പെന്ഷന്കാര് സാക്ഷ്യപത്രം നല്കിയില്ലെങ്കില് ഇനിമുതല് പെന്ഷന് മുടങ്ങും. പെന്ഷണര് ജീവിച്ചിരിപ്പുണ്ട് എന്നത് സംബന്ധിച്ച സാക്ഷ്യപത്രം ഈ വര്ഷം മുതല് ആധാര് അധിഷ്ഠിത ബയോമെട്രിക് സംവിധാനത്തിലൂടെ ഓണ്ലൈന് ആയിട്ടാണ് നല്കേണ്ടത്.
ഇതുവരെ 73ശതമാനം പെന്ഷന് ഗുണഭോക്താക്കളാണ് ആധാര് അധിഷ്ഠിത ബയോമെട്രിക് സംവിധാനത്തിലൂടെ സാക്ഷ്യപത്രം നല്കിയിരിക്കുന്നതെന്ന് കോട്ടയം പി.എഫ് കമ്മീഷണര് അറിയിച്ചു. അവശേഷിക്കുന്ന 27ശതമാനം ഗുണഭോക്താക്കള് മാര്ച്ച് 31ന് മുമ്പായി ഓണ്ലൈന് വഴി സാക്ഷ്യപത്രം നല്കിയില്ലെങ്കില് തുടര്ന്ന് ഇവരുടെ പെന്ഷന് മുടങ്ങുമെന്ന് പി.എഫ് കമ്മീഷണര് പത്രക്കുറിപ്പില് അറിയിച്ചു.
ശാരീരിക അവശതമൂലം യാത്രചെയ്യാന് കഴിയാത്തവര്ക്ക് സാക്ഷ്യപത്രം നല്കുന്നതിന് പ്രത്യേക ക്രമീകരണങ്ങള് പി.എഫ് ആഫീസ് ഏര്പ്പെടുത്തിയിട്ടുണ്ട്. പെന്ഷണര് മെഡിക്കല് സര്ട്ടിഫിക്കേറ്റ് ആവശ്യപ്പെട്ടാല് ഉദ്യോഗസ്ഥര് വീട്ടിലെത്തി സാക്ഷ്യപത്രം ശേഖരിക്കും. സാക്ഷ്യപത്രം നല്കാന് പി.എഫ് ആഫീസുകള്ക്കു പുറമേ അക്ഷയകേന്ദ്രങ്ങളിലും സൗകര്യമുണ്ടാകും.
പ്രതികരിക്കാൻ ഇവിടെ എഴുതുക: