ഇരിട്ടി: മലയോര മേഖലയിലെ ജനങ്ങള് നേരിടുന്ന വന്യമൃഗ ആക്രമണം തടയാന് അടിയന്തര നടപടി സ്വീകരിക്കണമെന്ന് ജനാധിപത്യ കേരളാ കോണ്ഗ്രസ് ചെയര്മാന് ഫ്രാന്സീസ് ജോര്ജ് ആവശ്യപ്പെട്ടു. ജനാധിപത്യ കേരളാ കോണ്ഗ്രസ് കണ്ണൂര് ജില്ലാ പ്രവര്ത്തക കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. വന്യമൃഗ ആക്രമണം മൂലം ജീവനും കൃഷിയും നഷ്ടപ്പെടുന്ന സാഹചര്യമാണ് ജില്ലയുടെ മലയോര മേഖലകളില് ഇന്ന് സംജാതമായിട്ടുള്ളത്. സമീപ കാലത്ത് കേളകത്തും കൊട്ടിയൂരും ഉണ്ടായ ദാരുണ സംഭവങ്ങള് ബന്ധപ്പെട്ടവരുടെ കണ്ണു തുറപ്പിക്കേണ്ടതാണ്. അഡ്വ. മാത്യു കുന്നപ്പള്ളി അധ്യക്ഷത വഹിച്ചു. ഡെപ്യൂട്ടി ചെയര്മാന് പി.സി.ജോസഫ് എക്സ് എംഎല്എ മുഖ്യപ്രഭാഷണം നടത്തി.
പ്രതികരിക്കാൻ ഇവിടെ എഴുതുക: