എരുമേലി: ശിവരാത്രിയോടനുബന്ധിച്ച് ആലപ്ര മുളങ്കാവ് ശ്രീ മഹാദേവ ക്ഷേത്രത്തില് 23, 24 തീയതികളില് ശിവരാത്രി മഹോത്സവവും ഇളനീര് അഭിഷേകവും നടക്കും.
ക്ഷേത്രം തന്ത്രി ബ്രഹ്മശ്രീ അക്കീരമണ് കാളിദാസന് ഭട്ടതിരിപ്പാട്, മേല്ശാന്തി ബ്രഹ്മശ്രീ ഹരി ആചാര്യ എന്നിവര് ചടങ്ങുകള്ക്ക് മുഖ്യകാര്മ്മികത്വം വഹിക്കും.
24ന് 8 മുതല് ശിവപുരാണ പാരായണം. വലിയ കാണിക്ക, 10ന് അന്പൊലി, പറ. 6.40ന് ഭഗവതിസേവ, 11.40ന് മഹാശിവരാത്രി പൂജയും, ഇളനീര് അഭിഷേകം. തുടര്ന്ന് വെടിക്കെട്ട്.
മാര്ച്ച് 2ന് പ്രതിഷ്ഠാ വാര്ഷിക കലശവും ദീപക്കാഴ്ചയും നടക്കും.
കിടങ്ങൂര്: പിറയാര് ശിവക്കുളങ്ങര മഹാദേവ ക്ഷേത്രത്തില് ശിവരാത്രി ഉത്സവം വെള്ളിയാഴ്ച നടക്കും.
പിറയാര് കൊട്ടാരം ദേവിക്ഷേത്രം, പിറയാര് കൊടുങ്ങല്ലൂര് ദേവിക്ഷേത്രം എന്നിവിടങ്ങളില് നിന്നും കാവടി ഘോഷയാത്ര, ഓട്ടന്തുള്ളല് മഹാപ്രസാദമൂട്ട്, ദേശതാലപ്പൊലി, വഞ്ചിപ്പാട്ട്, ഡാന്സ്, നാമഘോഷലഹരി, ശിവരാത്രി വിളക്ക് എന്നിവ നടക്കും.
കാഞ്ഞിരപ്പള്ളി: ഗണപതിയാര് കോവിലില് ശിവരാത്രി മഹോത്സവം 24ന് നടത്തും. ചടങ്ങുകള്ക്ക് തന്ത്രി താഴ്മണ്മഠം കണ്ഠരര് മോഹനരര് മുഖ്യകാര്മ്മികത്വവും ക്ഷേത്രം മേല്ശാന്തിമാരായ വിനോദ് നമ്പൂതിരി, ശ്രീനിവാസന് നമ്പൂതിരി എന്നിവര് സഹകാര്മ്മികത്വവും വഹിക്കും.
രാവിലെ 6ന് മഹാഗണപതിഹോമം, 8 മുതല് ശിവപുരാണപാരായണം, രാത്രി 7ന് വേദിയില് സംഗീത സദസ്, 9.15 മുതല് മെഗാഷോ. 11.45 മുതല് ശിവരാത്രി പൂജ, അഷ്ടാഭിഷേകം, നവകാഭിഷേകം, രുദ്രാഭിഷേകം, രുദ്രധാര, പ്രസന്നപൂജ എന്നിവയുണ്ടായിരിക്കും. 12.30 മുതല് ഭക്തിഗാനാമൃതം.
പ്രതികരിക്കാൻ ഇവിടെ എഴുതുക: