കണ്ണൂര്: കാര്ഷിക മേഖലയില് കൃഷി വിപുലമാക്കുക,വിഷ രഹിത പച്ചക്കറിയുടെ ഉല്പ്പാദനവും വിതരണവും നടത്തുക എന്നീ ലക്ഷ്യങ്ങളോടെ വാര്ഷിക പദ്ധതിയില്പ്പെടുത്തി കണ്ണൂര് ബ്ലോക്ക് പഞ്ചായത്ത് സംഘടിപ്പിക്കുന്ന കണ്ണൂര് ബ്ലോക്ക്തല കാര്ഷികോല്പ്പന്നങ്ങളുടെ പ്രദര്ശന-വിപണന മേള ബ്ലോക്ക് ഫെസ്റ്റ്-17, 23 ന് ആരംഭിക്കുമെന്ന് സംഘാടക സമിതി ഭാരവാഹികള് വാര്ത്താ സമ്മേളനത്തില് അറിയിച്ചു. 26 വരെ നീണ്ടുനില്ക്കുന്ന മേള പാപ്പിനിശ്ശേരി പഞ്ചായത്ത് ഓഫീസ് പരിസരത്താണ് നടക്കുക. കാര്ഷികം ക്ഷീരവികസനം,ചെറുകിട വ്യവസായം, എന്നിവയുമായി ബന്ധപ്പെട്ട സ്റ്റാളുകള്,സെമിനാറുകള്, കുടുംബശ്രീ ഉല്പ്പന്ന പ്രദര്ശനം തുടങ്ങി വിവിധ പരിപാടികള് ഉണ്ടാകും. കലാ മത്സരങ്ങളും കാര്ഷിക മത്സരങ്ങളും ,വിവിധ കലാപരിപാടികളും മേളയുടെ ഭാഗമായി നടക്കും.ഘോഷയാത്രയും നടത്തും. പരിപാടി ജില്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യ ഉദ്ഘാടനം ചെയ്യും. ബ്ലോക്ക് പഞ്ചായത്ത് വൈസ്പ്രസിഡണ്ട് കുടുവന് പത്മനാഭന് അധ്യക്ഷത വഹിക്കും. വാര്ത്താ സമ്മേളനത്തില് കുടുവന് പത്മനാഭന്,സി.ആയിഷ, പി.വി.ഉമേഷ്,ടി.വേണുഗോപാലന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: