തിരുവനന്തപുരം : കണ്ണൂരില് അന്തര്ദേശീയ ആയുര്വേദ റിസര്ച്ച് ഇന്സ്റ്റിറ്റ്യൂട്ട് സ്ഥാപിക്കാന് മന്ത്രിസഭായോഗം തത്വത്തില് അംഗീകാരം നല്കി. കേന്ദ്ര സംസ്ഥാന സര്ക്കാരുകളുടെ സാമ്പത്തിക സഹായത്തോടെയുളള പദ്ധതിക്ക് മുന്നൂറു കോടി രൂപ ചെലവ് പ്രതീക്ഷിക്കുന്നു.
കണ്ണൂര് അന്താരാഷ്ട്ര വിമാനത്താവളത്തിന് പുറത്തുളള ഡ്രെയിനേജുകള് ഫീഡര് റോഡുകള്, ലൈറ്റിംഗിനുളള സ്ഥലമെടുപ്പ് എന്നിവയുമായി ബന്ധപ്പെട്ടുളള പ്രവൃത്തികള്ക്ക് ഭരണാനുമതി നല്കി.
പൊതുമരാമത്ത് വകുപ്പിലെ ഡിസൈന് വിഭാഗവും ഇന്വെസ്റ്റിഗേഷന് ആന്റ് ക്വാളിറ്റി കണ്ട്രോള് വിഭാഗവും ശക്തിപ്പെടുത്തും. വകുപ്പ് ആസ്ഥാനത്ത് നിലവിലുളള മൂന്ന് ഡിസൈന് യൂണിറ്റുകള് പുനസംഘടിപ്പിച്ച് ഏഴ് ഡിസൈന് യൂണിറ്റുകള് രൂപീകരിക്കും. എറണാകുളത്തും കോഴിക്കോടും രണ്ട് പുതിയ മേഖലാ ഡിസൈന് ഓഫീസുകള് ആരംഭിക്കും. ഇതിനായി അസിസ്റ്റന്റ് എഞ്ചിനീയര്മാരുടെ 18 സൂപ്പര്ന്യൂമററി തസ്തികകള് സൃഷ്ടിക്കും.
ബാക്കി തസ്തികകള് പുനര്വിന്യാസം വഴി നികത്തും. ജീവനക്കാരെ പുനര്വിന്യസിച്ച് തിരുവനന്തപുരത്ത് ഇന്വെസ്റ്റിഗേഷന് ആന്റ് ക്വളിറ്റി കണ്ട്രോള് മേഖലാ ലബോറട്ടറി രൂപീകരിക്കും.
പ്രതികരിക്കാൻ ഇവിടെ എഴുതുക: