തുവ്വൂര്: സിപിഎമ്മിന്റെ അക്രമ രാഷ്ട്രീയത്തിനെതിരെയും ദളിത് പീഡനത്തിനെതിരെയും എസ്സി മോര്ച്ച ജില്ലാ പ്രസിഡന്റ് സി.പി.അറുമുഖന് നയിക്കുന്ന പട്ടികജാതി-വര്ഗ്ഗ അവകാശ സംരക്ഷണ റാലിക്ക് തുടക്കമായി. തുവ്വൂരില് നടന്ന ചടങ്ങില് ബിജെപി സംസ്ഥാന സെക്രട്ടറി വി.കെ.സജീവന് ജാഥാക്യാപ്റ്റന് പതാക കൈമാറി ഉദ്ഘാടനം നിര്വഹിച്ചു. യോഗത്തില് എസ്സി മോര്ച്ച വണ്ടൂര് മണ്ഡലം പ്രസിഡന്റ് വേലായുധന് അദ്ധ്യക്ഷനായി.
ബിജെപി ജില്ലാ ജനറല് സെക്രട്ടറി പി.ആര്.രശ്മില്നാഥ്, ന്യൂനപക്ഷമോര്ച്ച ജില്ലാ പ്രസിഡന്റ് അഡ്വ.സി.മുഹമ്മദ് അഷറഫ്, എസ്സി മോര്ച്ച ജില്ലാ ജനറല് സെക്രട്ടറി കെ.സി.ശങ്കരന്, ബിജെപി വണ്ടൂര് മണ്ഡലം പ്രസിഡന്റ് കെ.സുനില്ബോസ്, വൈസ് പ്രസിഡന്റ് എം.പി.സുധീഷ്, അപ്പുകുട്ടന് തോട്ടുവാടി, കെ.സുരേഷ്, ബാലകൃഷ്ണന് തോട്ടുവാടി, സാദിഖലി, എം.ടി.പരമേശ്വരന്, രാധാകൃഷ്ണന് സംസാരിച്ചു.
ഇന്ന് മുതല് അഞ്ച് വരെ ജില്ലയില് വിവിധ കേന്ദ്രങ്ങളില് ജാഥ പര്യടനം നടത്തും. ഇന്ന് കാളികാവ്, ചോക്കാട്, നിലമ്പൂര്, ചാലിയാര്. ഊര്ങ്ങാട്ടിരി, മഞ്ചേരി, പാണ്ടിക്കാട്, മേലാറ്റൂര്, പെരിന്തല്മണ്ണ, രാമപുരം എന്നിവിടങ്ങളിലെ സ്വീകരണത്തിന് ശേഷം മങ്കടയില് സമാപിക്കും.
നാളെ പുഴക്കാട്ടിരിയില് നിന്നും ആരംഭിച്ച് ഇരിമ്പിളിയം, തവനൂര്, പൊന്നാനി, ബീരന്ചിറ, തലക്കാട്, വെട്ടം, ശോഭപറമ്പ് എന്നിവടങ്ങളിലെ സ്വീകരണം ഏറ്റുവാങ്ങി മുക്കോലയില് സമാപിക്കും.
അഞ്ചിന് രാവിലെ തിരൂരങ്ങാടിയില് നിന്ന് റാലി ആരംഭിക്കും. തുടര്ന്ന് വേങ്ങര, ഊരകം, പൂക്കോട്ടൂര്, മൊറയൂര്, നെടിയിരുപ്പ്, കണ്ണംവെട്ടിക്കാവ്, നിലിത്തൊടി എന്നിവടങ്ങളിലൂടെ വള്ളിക്കുന്ന് അമ്പലപ്പടിയില് സമാപിക്കും.
പ്രതികരിക്കാൻ ഇവിടെ എഴുതുക: