കണ്ണൂര്: ഭിന്നശേഷി വിഭാഗത്തില്പ്പെട്ട കുട്ടികളുടെയും യുവാക്കളുടെയും അത്ലറ്റിക് ചാമ്പ്യന്ഷിപ്പ് നാളെ കണ്ണൂര് മിലിട്ടറി ഗ്രൗണ്ടില് രാവിലെ 9 മണിക്ക് നടക്കും. ഡിഫന്സ് സെക്യൂരിറ്റി കോര് കമാണ്ടന്റ് കേണല് യുദ്ധവീര് സിംഗ് ഉദ്ഘാടനം ചെയ്യും. സ്റ്റേറ്റ് പ്രസിഡണ്ട് പ്രൊഫ.ഒ.സി.മനോമോഹനന്, സ്റ്റേറ്റ് സെക്രട്ടറി കേണല് മോഹന്ദാസ്, ഓര്ഗ്ഗനൈസിങ്ങ് കമ്മറ്റി ചെയര്മാന് കേണല് പത്മനാഭന് എന്നിവര് സംബന്ധിക്കും. ജില്ലാ മേളകളില് ഒന്നും രണ്ടും സ്ഥാനങ്ങള് വിവിധ ഇനങ്ങളില് നേടിയവരാണ് ഈ മേളയില് പങ്കെടുക്കുക.മാര്ച്ച് അവസാനം രാജസ്ഥാനിലെ ജയ്പൂരില് നടക്കുന്ന ഓള് ഇന്ത്യാ അത്ലറ്റിക് മത്സരങ്ങളില് സ്റ്റേറ്റ് മത്സരങ്ങളിലെ സമ്മാനാര്ഹരായവര്ക്ക് പങ്കെടുക്കാം. പങ്കെടുക്കുന്നവര് പ്രവേശനഫോറം മെഡിക്കല് ഡോക്ടറുടെ അവശത സര്ട്ടിഫിക്കറ്റ്, ഐഡന്റിറ്റി കാര്ഡ്, രണ്ട് പാസ്പോര്ട്ട് സൈസ് ഫോട്ടോ എന്നീ രേഖകള് ഹാജരാക്കണം.
വൈകുന്നേരം 4 മണിക്ക് നടക്കുന്ന സമാപനച്ചടങ്ങില് സംഘടനയുടെ സ്റ്റേറ്റ് ട്രഷറര് തച്ചിലോട്ട് നാരായണന്, മുന് ലയണ്സ് ഗവര്ണര് സുചിത്രാ സുധീര് എന്നിവര് പങ്കെടുക്കും. ഈ ചടങ്ങില് ട്രോഫിയും സര്ട്ടിഫിക്കറ്റുകളും വിതരണം ചെയ്യും.
പ്രതികരിക്കാൻ ഇവിടെ എഴുതുക: