കൊച്ചി: ഐസിസി ചാമ്പ്യന്സ് ട്രോഫി നേരിട്ട് കാണാന് അവസരമൊരുക്കി നിസാന് ട്രോഫി ടൂര് കൊച്ചിയില്. മാര്ച്ച് ഒന്നിന് കൊല്ക്കൊത്തയില്നിന്ന് പ്രയാണമാരംഭിച്ച ഇന്ത്യയിലെ ട്രോഫി ടൂര് കൊച്ചിയിലെത്തി.
ലുലു മാളില് നടന്ന ട്രോഫി പ്രദര്ശനം കാണാനായി നൂറു കണക്കിന് ആരാധകരാണ് എത്തിയത്. ട്രോഫി ആരാധകര്ക്ക് അടുത്ത് കാണാനും ട്രോഫിക്കൊപ്പം 360 ഡിഗ്രി ചിത്രങ്ങള് എടുക്കുവാനും വെര്ച്വല് റിയാലിറ്റി ക്രിക്കറ്റ് ഗെയിമുകള് കളിക്കാനും അവസരമുണ്ട്. 16ന് ട്രോഫി പര്യടനം അവസാനിക്കും.
ഐസിസിയുടെ ആഗോള പങ്കാളിയായ നിസാന് രാജ്യത്തെ ഏഴ് പ്രമുഖ നഗരങ്ങളില് ട്രോഫി പ്രദര്ശനത്തിനെത്തിക്കും. കൊല്ക്കത്ത, മുംബൈ, കൊച്ചി, ബംഗളൂരു, ഹൈദരാബാദ്, ദല്ഹി എന് സി ആര്, ചന്ദീഗഡ് എന്നിവിടങ്ങളില് ട്രോഫി പ്രദര്ശനത്തിന് വെയ്ക്കും.
രാജ്യത്തെ ജനങ്ങളെ ഒന്നിപ്പിക്കുന്നതില് ക്രിക്കറ്റ് വലിയ പങ്കാണ് വഹിക്കുന്നതെന്നും ഐസിസി ചാമ്പ്യന്സ് ട്രോഫിയുടെ സ്പോണ്സറാകാന് കഴിഞ്ഞതില് അഭിമാനമുണ്ടെന്ന് നിസാന് മോട്ടോര് ഇന്ത്യ പ്രൈവറ്റ് ലിമിറ്റഡ് മാനേജിങ് ഡയറക്ടര് അരുണ് മല്ഹോത്ര പറഞ്ഞു.
ദുബായിലെ ട്രോഫി പ്രയാണം പൂര്ത്തിയായി. ഇന്ത്യയിലെ പര്യടനത്തിന് ശേഷം ബംഗ്ലാദേശ്, ശ്രീലങ്ക, പാകിസ്ഥാന്, ദക്ഷിണാഫ്രിക്ക, ന്യൂസിലാന്ഡ്, ആസ്ട്രേലിയ, ഇംഗ്ലണ്ട് എന്നിവിടങ്ങളിലും പര്യടനം നടത്തും. ജൂണ് ഒന്നിന് ഇംഗ്ലണ്ടും ബംഗ്ളാദേശും തമ്മിലുള്ള മത്സരത്തോടെയാണ് ഐസിസി ചാമ്പ്യന്ഷിപ്പ് ആരംഭിക്കുക.
പ്രതികരിക്കാൻ ഇവിടെ എഴുതുക: