കോഴിക്കോട്: ജില്ലയിലെ കുളങ്ങള് മാലിന്യങ്ങള് നീക്കി കുടിവെള്ള സ്രോതസ്സുകളായി സംരക്ഷിക്കുന്നതിനായുള്ള പ്രവര്ത്തനങ്ങള് നടപ്പിലാക്കണമെന്ന് സെന്റര് ഫോര് വാട്ടര് റിസോഴ്സസ് ഡവലപ്മെന്റ് ആന്ഡ് മാനേജ്മെന്റ് (സിഡബ്ല്യുആര്ഡിഎം) ശാസ്ത്രജ്ഞന് ഡോ. വി.പി. ദിനേശന് പറഞ്ഞു. ജില്ലാ പഞ്ചായത്തിന്റെ 2016-17 വര്ഷത്തെ പദ്ധതി രൂപീകരണത്തിനുള്ള വിദഗ്ധസമിതി യോഗത്തില് സംസാരിക്കുകയായിരുന്നു അദ്ദേഹം. ജില്ലയില് 385 കുളങ്ങളുണ്ട്. ഇവയില് 40 എണ്ണം അര ഹെക്ടറിലേറെ വിസ്തൃതിയുള്ളവയാണ്. കുളങ്ങള് മാലിന്യങ്ങള് നീക്കി അരികുകള് കെട്ടി സംരക്ഷിക്കുന്നതിലൂടെ സമീപത്തെ കിണറുകളില് വെള്ളം ഉറപ്പുവരുത്താന് കഴിയും. സംഭരിച്ച ജലം കുടിവെള്ള സ്രോതസ്സായി ഉപയോഗിക്കാനുമാവും. മഴവെള്ളം ഉപയോഗിച്ച് വീടുകളിലെ കിണര് റീചാര്ജ് ചെയ്യുന്ന പദ്ധതി നടപ്പിലാക്കാന് കഴിയും. വാര്ഡില് 10-15 കിണറുകള് വീതം ഗുണഭോക്താക്കളുടെ കൂടി പങ്കാളിത്തത്തോടെ വേണം പദ്ധതി നടപ്പിലാക്കാന്. ഇത് കുറഞ്ഞ ചെലവില് നടപ്പിലാക്കാന് കഴിയും. ഇതിനു വേണ്ട സാങ്കേതിക സഹായം നല്കാന് സിഡബ്ല്യുആര്ഡി എം തയാറാണെന്നും അദ്ദേഹം അറിയിച്ചു. പുഴയുടെ കൈവഴികള്, തോടുകള് എന്നിവ പുനരുജ്ജീവിപ്പിക്കണമെന്നും ഡോ. വി.പി. ദിനേശന് നിര്ദേശിച്ചു. സിഡബ്ല്യുആര്ഡി എം പൂനൂര് പുഴയുടെ പുനരുദ്ധാരണത്തിനായി തയാറാക്കിയ പദ്ധതി ജില്ലാ പഞ്ചായത്തിന് സമര്പ്പിക്കും. കുടിവെള്ള ്രേസാതസ്സുകളിലെ വെള്ളം ശുദ്ധമാണെന്ന് ഉറപ്പുവരുത്തേണ്ടതുണ്ട്. മലിനജലം ഒഴുക്കി വിടാനുള്ള എളുപ്പവഴിയായി പുഴകളെ കാണുന്നത് ശരിയല്ല. കുടിവെള്ളത്തിനായി ഉപയോഗിക്കുന്ന പുഴകളിലേക്ക് ഒഴുക്കിവിടുന്ന വെള്ളം ശുദ്ധീകരണപ്രക്രിയക്ക് വിധേയമാക്കേണ്ടതുണ്ട്. അദ്ദേഹം പറഞ്ഞു.
ജലസംരക്ഷണ പ്രവര്ത്തനങ്ങള്ക്ക് മുന്തൂക്കം നല്കു മെന്ന് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി വ്യക്തമാക്കി. പദ്ധതി രൂപീകരണത്തിന് മുന്നോടിയായി ചേര്ന്ന യോഗത്തില് ജലസംരക്ഷണം, ആരോഗ്യം, കൃഷി, മാലിന്യം സംസ്കരണം തുടങ്ങിയ മേഖലകളില് നടപ്പിലാക്കേണ്ട പദ്ധതികളെക്കുറിച്ച് ചര്ച്ച നടത്തി. ഏറ്റവും മികച്ച ഗുണമേന്മയുള്ള സുഗന്ധ വ്യഞ്ജനങ്ങള് ഉല്പാദിപ്പിക്കാനുള്ള വിത്തിനങ്ങള് നല്കി ജില്ലാ പഞ്ചായത്തുമായി ചേര്ന്ന് പ്രവര്ത്തിക്കാന് സന്നദ്ധമാണെന്ന് ഇന്ത്യന് ഇന്സ്റ്റിറ്റ്യൂട്ട് ഓഫ് സ്പൈസസ് റിസര്ച്ച് ശാസ്ത്രജ്ഞര് അറിയിച്ചു. ജില്ലയിലെ എല്ലാ പാടശേഖരങ്ങളിലും നെല്കൃഷിയിറക്കുന്ന പദ്ധതിക്ക് ജില്ലാ പഞ്ചായത്ത് നേതൃത്വം നല്കണമെന്ന് എം. കുഞ്ഞമ്മദ് നിര്ദ്ദേശിച്ചു. ജില്ലാ പഞ്ചായത്ത് ഗ്രാമപഞ്ചായത്തുകളുമായി ചേര്ന്ന് സിഡബ്ല്യുആര്എമ്മിന്റെ സാങ്കേതിക സഹായത്തോടെ കിണര് റീചാര്ജിംഗ് പദ്ധതി നടപ്പിലാക്കുമെന്ന് പ്രസിഡന്റ് അറിയിച്ചു. മറ്റു വിവിധ പദ്ധതികള് ഉദ്യോഗസ്ഥരുടെ നേതൃത്വത്തില് തയാറാക്കും. ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്ട്, ഡോ. കെ.പി. അരവിന്ദന്, മണലില് മോഹനന്, പ്രൊഫ. കെ. പാപ്പൂട്ടി തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: