തിരുവനന്തപുരം: 2016ലെ സംസ്ഥാന ചലച്ചിത്ര അവാര്ഡുകള് പ്രഖ്യാപിച്ചു. വിധു വിന്സന്റ് സംവിധാനം ചെയ്ത മാന്ഹോളാണ് മികച്ച ചിത്രം. കമ്മട്ടിപ്പാടത്തിലെ അഭിനയത്തിന് വിനായകന് ടി.കെ മികച്ച നടനുള്ള പുരസ്കാരം സ്വന്തമാക്കി.അനുരാഗകരിക്കിന് വെള്ളത്തിലെ അഭിനയത്തിന് രജീഷ വിജയന് മികച്ച നടിക്കുള്ള പുരസ്കാരം സ്വന്തമാക്കി.
മികച്ച സംവിധായകനുള്ള പുരസകാരം മാന് ഹോള് എന്ന ചിത്രത്തിലൂടെ വിധു വിന്സന്റ് നേടി. കലാമൂല്യവും ജനപ്രീതിയുമുള്ള ചിത്രമായി മഹേഷിന്റെ പ്രതികാരം തെരഞ്ഞെടുക്കപ്പെട്ടു. കിസ്മത്ത് ഒരുക്കിയ ഷാനവാസ് കെ.ബാവക്കുട്ടിയാണ് മികച്ച നവാഗത സംവിധായകന്. കമ്മിട്ടിപ്പാടം എന്ന ചിത്രത്തിലെ അഭിനയത്തിന് മണികണ്ഠന് ആചാരിയെ മികച്ച സ്വഭാവ നടനായും ഒലപ്പീപ്പിയിലെ അഭിനയത്തിന് കാഞ്ചനയെ മികച്ച സ്വഭാവ നടിയായും തെരഞ്ഞെടുത്തു. കാംബോജിയിലെ ഗാനരചന നിര്വഹിച്ച ഒ.എന്.വി.കുറുപ്പാണ് മികച്ച ഗാനരചയിതാവ്. ചിത്രത്തിലെ ഗാനങ്ങള്ക്ക് സംഗീതം നല്കിയ എം.ജയചന്ദ്രന് മികച്ച സംഗീയ സംവിധായകന്.
കറുത്ത ജൂതന് എന്ന ചിത്രത്തിന് കഥയൊരുക്കിയ സലിംകുമാര് മികച്ച കഥാകൃത്തായി തെരഞ്ഞെടുക്കപ്പെട്ടു. കാട് പൂക്കുന്ന നേരം എന്ന ചിത്രത്തിലെ മനോഹര ദൃശ്യങ്ങള് ഒപ്പിയെടുത്ത എം.ജെ.രാധാകൃഷ്ണന് മികച്ച ഛായാഗ്രാഹകനായി. മഹേഷിന്റെ പ്രതികാരം എന്ന ചിത്രത്തിന്റെ രചന നിര്വഹിച്ച ദിലീഷ് പോത്തന് മികച്ച തിരക്കഥാകൃത്തിനുള്ള പുരസ്കാരം സ്വന്തമാക്കി.
കോലു മിഠായി മികച്ച കുട്ടികളുടെ ചിത്രമായി തെരഞ്ഞെടുക്കപ്പെട്ടു. സ്റ്റെഫി സേവ്യര് മികച്ച വസ്ത്രാലങ്കാരം (ഗപ്പി), എന്.ജി.റോഷന് മികച്ച മേക്കപ്പ് (നവല് എന്ന ജുവല്) എന്നിവരും തെരഞ്ഞെടുക്കപ്പെട്ടു. ഗപ്പിയിലെ പശ്ചാത്തല സംഗീതം ഒരുക്കിയ വിഷ്ണു വിജയും പുരസ്കാരം നേടി. കാട് പൂക്കുന്ന നേരം എന്ന ചിത്രത്തിലെ ശബ്ദമിശ്രണം പ്രമോദ് തോമസിനെയും അവാര്ഡിന് അര്ഹനാക്കി. –
കമ്മട്ടിപ്പാടത്തിലെ അഭിനയത്തിലൂടെ മണികണ്ഠന് മികച്ച സ്വഭാവ നടനായി. മികച്ച രണ്ടാമത്തെ കഥാ ചിത്രം ഒറ്റയാളാണ്. മികച്ച സംവിധായകന് വിധു വിന്സന്റ്.
മികച്ച ചലച്ചിത്ര ഗ്രന്ഥം സിനിമ മുതല് സിനിമ വരെ. മികച്ച ലേഖനം വെളുത്ത തിരശീലയിലെ കറുത്ത ഉടലുകള്. പ്രത്യേക ജൂറി പരാമര്ശം ഹരിത സിനിമ എന്ന ഗ്രന്ഥത്തിന് പ്രത്രേ്യക ജൂറി പരാമര്ശം ലഭിച്ചു.
മലയാളത്തില് ആദ്യമായി നൂറുകോടി കളക്ഷന് നേടിയ പുലിമുരുകന് എന്ന ചിത്രത്തിന് അവാര്ഡ് ഒന്നും ലഭിച്ചിട്ടില്ല
പ്രതികരിക്കാൻ ഇവിടെ എഴുതുക: