കണ്ണൂര്: കോഴിക്കോട് ജില്ലയിലെ ബേപ്പൂര്, നടുവട്ടത്തുളള (വായനശാല ബസ്സ്റ്റോപ്പ്) കേരള സര്ക്കാര് ക്ഷീര പരിശീലന കേന്ദ്രത്തില് വെച്ച് മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലുള്ള ക്ഷീര കര്ഷകര്ക്ക് പത്തു ദിവസത്തെ പരിശീലനം സംഘടിപ്പിക്കും. 13 മുതല് 23 വരെയാണ് പരിശീലനം. പേഡ, ബര്ഫി, മില്ക്ക് ചോക്ലേറ്റ്, പനീര്, തൈര്, ഐസ്ക്രീം, ഗുലാബ് ജാമുന് തുടങ്ങി 20ഓളം നാടന് പാലുല്പന്നങ്ങളുടെ നിര്മ്മാണം പരിശീലനത്തില് ഉള്പ്പെടുത്തിയിട്ടുണ്ട്. പങ്കെടുക്കുവാന് താല്പര്യമുളളവര് 13ന് രാവിലെ 10 മണിക്ക് മുമ്പായി, ഫോട്ടോ പതിച്ച തിരിച്ചറിയല് കാര്ഡിന്റെ പകര്പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില് എത്തേണ്ടതാണെന്ന് രജിസ്ട്രേഷന് ഫീസ് 115/-രൂപയാണ്. കൂടുതല് വിവരങ്ങള്ക്ക് ഓഫീസ് പ്രവൃത്തി സമയങ്ങളില് 0495 2414579 എന്ന ഫോണ് നമ്പറിലോ ബ്ലോക്ക് തലത്തിലുള്ള ക്ഷീര വികസന സര്വ്വീസ് യൂണിറ്റുമായോ ബന്ധപ്പെടാവുന്നതാണെന്ന് ക്ഷീര പരിശീലന കേന്ദ്രം പ്രിന്സിപ്പാള് അറിയിച്ചു.
പ്രതികരിക്കാൻ ഇവിടെ എഴുതുക: