ചെറുപുഴ: ജെ.എം യുപി സ്കൂള് ബാലോത്സവവും വാര്ഷികവും 9, 10 ദിവസങ്ങളില് നടക്കും. 9 ന് അങ്കണവാടി, പ്രീ പ്രൈമറി വിദ്യാര്ഥികളുടെ കലാപരിപാടികളും മികവ് പ്രദര്ശനവും സമ്മാനദാനവും നടക്കും. 10 ന് വിവിധ കലാപരിപാടികളും പൊതുസമ്മേളനം ജില്ലാ പഞ്ചായത്ത് വികസനകാര്യ സ്ഥിരംസമിതി ചെയര്മാന് വി.കെ.സുരേഷ് ബാബു ഉദ്ഘാടനം ചെയ്യും. കെ.കുഞ്ഞികൃഷ്ണന് അധ്യക്ഷത വഹിക്കും. പയ്യന്നൂര് എഇഒപി രാമദാസ് വിജയികളെ അനുമോദിക്കും. നാട്ടകം പ്രകാശനം പഞ്ചായത്തംഗം ലളിതബാബു നിര്വ്വഹിക്കും. സ്കോളര്ഷിപ്പ് ജേതാക്കള്ക്ക് ബിപിഒ പി.വി.സുരേന്ദ്രന് സമ്മാനങ്ങള് വിതരണം ചെയ്യും.
അഖില കേരള വോളി ഫെസ്റ്റ്
മാര്ച്ച് 26 മുതല്
ഇരിട്ടി: കേളകം സ്പോര്ട്സ് ട്രസ്റ്റിന്റെ രണ്ടാമത് അഖിലകേരള വോളി ഫെസ്റ്റ് മാര്ച്ച് 26 മുതല് എപ്രില് രണ്ട് വരെ കേളകം കെ.ജി.ഗീവര്ഗ്ഗീസ് കോര് എപ്പിസ്കോപ്പ ഫ്ലഡ് ലൈറ്റ്സ്റ്റേഡിയത്തില് നടക്കുമെന്ന് ഭാരവാഹികള് കേളകത്ത് നടത്തിയ വാര്ത്താസമ്മേളനത്തില് പറഞ്ഞു. പുരുഷന്മാരുടെ മത്സരങ്ങളില് ബിപിസിഎല് എര്ണാകുളം, ഇന്ത്യന് നേവി, കെ എസ് ഇ ബി തിരുവനന്തപുരം, ഇന്ത്യന് ആര്മി, കേരള പോലീസ് തിരുവനന്തപുരം, കൊച്ചിന് കസ്റ്റംസ്, എന്നി ടീമുകളും, വനിത വിഭാഗത്തില് കെഎസ്ഇബി തിരുവനന്തപുരം, സായ് തലശ്ശേരി, സെന്റ് ജോസഫ് കോളേജ് ഇരിങ്ങാലക്കുട, സായ് തിരുവനന്തപുരം, കൃഷ്ണമേനോന് കേളേജ് കണ്ണൂര് എന്നി ടീമുകളും പങ്കെടുക്കും. വൈകിട്ട് 7ന് മത്സരങ്ങള് ആരംഭിക്കും. ഭാരവാഹികളായ ജോസ് വെള്ളച്ചാലില്, പി.ഐ.പത്രോസ്, ജോസഫ് കുന്നുംപുറം, പ്രേംദാസ് മോനായി തുടങ്ങിയവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: