കോടതിയുടെ വാറണ്ടുമായി എത്തിയ ആമീനെയും വിധി ഉടമയേയും കയ്യേറ്റം ചെയ്ത കേസിലെ പ്രതിയെ അറസ്റ്റു ചെയ്തു.
മണത്തല കുഞ്ഞേടത്ത് മുഹമ്മദ് സഗീര് സാബ്രി (33) നെയാണ് ചാവക്കാട് എസ്.ഐ. എം.കെ. രമേഷ്, അഡീഷണല് എസ്.ഐ.മാരായ അനില് മാത്യു,സ്റ്റീഫന് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കേസില് നാലുപ്രതികളെ പിടികൂടാനുണ്ട്.
കഴിഞ്ഞ ദിവസം ചാവക്കാട് ഒരു കടയുടെ ഉദ്ഘാടന സ്ഥലത്താണ് ആമീനെ കൈയ്യേറ്റം ചെയ്തത്. പ്രതിയുടെ താമസസ്ഥലം കാണിക്കാനാണ് വിധിയുടമ ആമീനൊപ്പം പോയത്. താമസസ്ഥലത്ത് ഇല്ലാതിരുന്നതിനാല് ഇവര് ചാവക്കാട്ടേക്ക് വരികയായിരുന്നു. ചാവക്കാട് സഗീറിനെ കണ്ടെത്തിയ ആമീന് വാറണ്ടിനെ കുറിച്ച് പറഞ്ഞതോടെ ക്ഷുഭിതനാവുകയായിരുന്നു.തുടര്ന്ന് സഗീര് സാബ്രിയുടെ നേതൃത്വത്തില് അഞ്ചംഗ സംഘം അക്രമണത്തിന് മുതിരുകയും ആമീന്റെ കൈവശം ഉണ്ടായിരുന്ന വാറണ്ട് വലിച്ചു കീറുകയും ചെയ്തെന്നായിരുന്നു പരാതി. കോടതിയില് ഹാജറാക്കിയ പ്രതിയെ റിമാന്ഡു ചെയ്തു.
പ്രതികരിക്കാൻ ഇവിടെ എഴുതുക: