കണ്ണൂര്: ശ്രീശ്രീരവിശങ്കര്ജിയുടെ നേതൃത്വത്തില് ഡല്ഹിയില് നടന്ന വിശ്വസാംസ്കാരികോത്സവത്തിന്റെ വാര്ഷിക ദിനാചരണത്തിന്റെ ഭാഗമായി തളിപ്പറമ്പ ടൗണ് സ്വകയറില് ജല സാക്ഷരതാ സദസ്സിന് തുടക്കം കുറിക്കും. ജീവജലം അമൂല്യം ഓരോ തുള്ളിയും ജാഗ്രതയോടെ എന്ന സന്ദേശവുമായി കണ്ണൂര് ജില്ലയിലെ ആര്ട്ട് ഓഫ് ലിവിങ് കേന്ദ്രങ്ങളുടെ കൂട്ടായ്മയില് 12 ന് വൈകുന്നേരം നടക്കുന്ന ജല സാക്ഷരതായജ്ഞം സി.ആര്.നീലകണ്ഠന് ഉദ്ഘാടനം ചെയ്യും.
ജലത്തിന്റെ ദുരുപയോഗത്തിനെതിരെയുള്ള ബോധവത്കരണത്തിലൂടെ സമൂഹത്തില് ജല സാക്ഷരത ഒരു പ്രസ്ഥാനമായി വളര്ത്തിയെടുക്കാനും സമ്പൂര്ണ ജല സാക്ഷരതയിലൂടെ ശുദ്ധജല സമൃദ്ധമായ വികസന സങ്കല്പ്പത്തിന് വ്യാപകമായ പ്രചരണം നല്കാന് കൂടിയാണ് ആര്ട്ട്ഓഫ് ലിവിംഗ് കേരള ലക്ഷ്യമിടുന്നത്.
ശ്രീശ്രീ രവിശങ്കര്ജിയുടെ നേതൃത്വത്തില് ഡല്ഹിയില് നടന്ന വിശ്വസാംസ്കാരികോത്സവത്തിന്റെ വാര്ഷിക ദിനാചരണത്തിന്റെ ഭാഗമായിസാമൂഹിക രാക്ഷ്ട്രീയ പരിസ്ഥിതി രംഗത്തെ പ്രമുഖര് പങ്കെടുക്കുന്ന ആഘോഷ പരിപാടികള്ക്കൊപ്പം പ്രമുഖ ഗായകന് പ്രസാദ് മുള്ളര് നയിക്കുന്ന സംഗീതനിശയും വിശ്വസാം സ്കാരികോത്സവത്തില് അരങ്ങേറിയ കലാപ്രകടനങ്ങള് പൊതുജനങ്ങള്ക്കായി ബിഗ് സ്ക്രീനില് പ്രദര്ശിപ്പിക്കുകയും ചെയ്യും.
പ്രതികരിക്കാൻ ഇവിടെ എഴുതുക: