മാഹി: മയ്യഴിക്കകത്തും പുറത്തും പത്തംക്ലാസുകാര് പരീക്ഷാചൂടില് വേവുമ്പോള് സ്വസ്ഥതയോടെ 15ന് ആരംഭിക്കുന്ന ബ്രവേ പരീക്ഷക്കുള്ള അവസാനഘട്ട ഒരുക്കത്തിലാണ് മയ്യഴിയിലെ ഒരുകൂട്ടം വിദ്യാര്ത്ഥികള്.
മയ്യഴിയിലെ ഏക ഗവ.ഫ്രഞ്ച് ഹൈസ്കൂളായ എക്കോള് സെന്ത്റാള് എ കൂര് കോപ്ലമാന്തേറില ത്രാസ്യേം എന്ന വിളിക്കപ്പെടുന്ന പത്താംക്ലാസ് വിദ്യാര്ത്ഥികളാണ് സിലബസ് കൊണ്ടും പഠനമാധ്യമംകൊണ്ടും വ്യത്യസ്തമായ ബ്രവേ എലൈമാന്തേര് എന്ന എസ്എസ്എല്എസി പരീക്ഷക്കൊരുങ്ങുന്നത്.
പുതുച്ചേരി വിദ്യാഭ്യാസ വകുപ്പിന്റെ കീഴില് നടക്കുന്ന പരീക്ഷയുടെ മാഹിയിലെ ചുമതല വിദ്യാഭ്യാസ വകുപ്പ് മേലധ്യക്ഷന്റെ നേതൃത്വത്തിലുളള പ്രത്യേക കമ്മറ്റിക്കാണ്. സംസ്ഥാനത്ത് പുതുച്ചേരി സര്ക്കാരിന്റെ മുദ്രയുള്ള യോഗ്യത സര്ട്ടിഫിക്കറ്റ് ലഭിക്കുന്ന ഏക എസ്എസ്എല്സി പരീക്ഷയും ബ്രവേ ആണ്.
ഫ്രഞ്ച്, ഇംഗ്ലീഷ്, സോഷ്യല് സയന്സ്, മാത്സ്, സയന്സ് എന്നീ വിഷയങ്ങളിലും മലയാളത്തിലും എഴുത്തുപരീക്ഷയും വാചാ പരീക്ഷയും ഏര്പ്പെടുത്തിയിട്ടുണ്ട്. പൊണ്ടിച്ചേരിയില് നടക്കുന്ന കേന്ദ്രീകൃത മൂല്യനിര്ണ്ണയ ക്യാമ്പിന് ശേഷം അമ്പതു ശതമാനത്തില് കുറയാത്ത മാര്ക്കുനേടുന്നവര്ക്കുമാത്രമേ വാചാ പരീക്ഷയില് മികവു തെളിയിക്കാന് അവസരം ലഭിക്കൂ. അവര്ക്കുമാത്രമേ തുടര് പഠനത്തിനുള്ള അവസരം ലഭിക്കുകയുള്ളൂ. ചിത്രകലയിലും കായിക വിഷയത്തിലും വാചാപരീക്ഷ നടക്കുന്ന ഏക പൊതുപരീക്ഷകൂടിയാണ് ബ്രവേ. പോണ്ടിച്ചേരി സംസ്ഥാനത്തില് നാല് ഗവ.ഫ്രഞ്ച് ഹൈസ്കൂളാണ് നിലവിലുള്ളത്.
മയ്യഴിയിലെ ഗവ.ഫ്രഞ്ച് വിദ്യാലയത്തില് മികവ് പദ്ധതിയുടെ ഭാഗമായി അധ്യാപക രക്ഷാകര്തൃ സമിതിയുടെയും സ്കൂള് മാനേജമെന്റ് കമ്മറ്റിയുടെയും നേതൃത്വത്തില് വിപുലമായ പരിശീലന പരിപാടികളും കൗണ്സിലിംഗ് ക്ലാസുകളും പത്താം ക്ലാസുകാര്ക്കായി സംഘടിപ്പിച്ചിട്ടുണ്ട്. വാചാപരീക്ഷയുടെ മുന്നൊരുക്കമായി ഫ്രഞ്ച് പ്രയോഗ പരിശീലന ക്ലാസും ഓരോ വിഷയത്തിലും പ്രത്യേക മോഡല് ചോദ്യ മാതൃക പരിചയ പരിശീലനവും പരീക്ഷാ പേടിയകറ്റാനുള്ള ബോധവല്ക്കരണ ക്ലാസുകളും നടന്നുവരുന്നുണ്ട്. ഫ്രഞ്ച് വിഷയത്തിന്റെ ഭാഗമായി ഡിറ്റക്ഷന് ക്ലാസുനയിച്ചുകൊണ്ട് ഫ്രഞ്ച് ഭാഷാ വിദഗ്ധനും റിട്ടയറീസ് അധ്യാപകനുമായ പി.വിശ്വനാഥന് മാസ്റ്റര് പരിശീലന പരിപാടികള് ഉദ്ഘാടം ചെയ്തു.
പ്രധാനാധ്യാപകന് എം.മുസ്തഫയുടെയും എസ്എംസി ചെയര്മാന് ഫ്രാന്സിസ് മെന്റോസയുടെയും നേതൃത്വത്തില് നടക്കുന്ന പരീക്ഷകള്ക്ക് അധ്യാപകരുടെയും രക്ഷിതാക്കളുടെയും പൂര്വ്വ അധ്യാപകരുടെയും അഭ്യുദയകാംക്ഷികളുടെയും പൂര്ണ്ണ പിന്തുണയുമുണ്ട്.
പ്രതികരിക്കാൻ ഇവിടെ എഴുതുക: